Wednesday, 01 October 2014
IBiSA ta informa: Lo tin bus disponibel na Alhambra Casino pa transporta participante pa Start di Half Marathon cu lo ta na Joe Laveist Sportpark Print E-mail
Friday, 15 March 2013 17:16

IMG 2384

Instituto Biba Saludabel y Activo, IBiSA ta informa na tur participante di e “28th Aruba International Half Marathon 2013” cu lo tin bus disponibel na Alhambra Casino su parkinglot. Esaki ta pa facilita e transportacion di e cantidad di participante pa San Nicolaas. 

For di 4’or di marduga lo tin personal di IBiSA na Alhambra Casino Parkinglot pa cuminsa cu e proceso di ‘check-in’ di participantenan prome cu nan subi e bus direccion Joe Laveist Sportpark. Pa e motibo aki, IBiSA ta pidi e participantenan pa nan yega trempan, ‘check-in’ y prepara pa cuminsa subi e bus. Segun cu un bus yena esaki lo sali direccion San Nicolaas. E prome bus lo sali pa 4:15a.m. y asina ta sigui te ora cu e ultimo bus bay cu ta pa 4:45a.m. Tur participante cu ‘check-in’ na Alhambra Casino parkinglot, NO TIN MESTER di bolbe ‘check-in’ na Joe Laveist Sportpark. E mesa di registracion pariba na Joe Laveist Sportpark ta solamente pa esnan cu ta skohe pa di nan mes, bay directamente San Nicolaas.

E start di e careda ta pa 5:30a.m. Aki ta unda cu IBiSA ta pidi e coredonan pa nan posiciona nan mes riba caminda na e banda drechi, mientras cu e canadonan lo ta ubica na e parti robez. Asina ta saka e careda tur participante mesun momento. Tur informacion lo keda duna prome cu salida. Pa cualkier informacion, oficina ta habri diasabra dia 16 di maart 2013 for di 9’or di mainta pa 1’or di merdia.

Prome cu e careda di diadomingo NO TA TUMA NINGUN INSCRIPCION. For di aki, Staff y Personal di IBiSA ta desea tur coredo y canado hopi exito cu nan participacion na e di 28th Aruba International Half Marathon 2013. Alabes ta desea henter comunidad di Aruba un feliz dia di Himno y Bandera, dialuna 18 di maart.

 

album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter