| Departamento di cultura Aruba ta felicita nos arubanonan cu dia di Himno y Bandera |
 |
 |
| Friday, 15 March 2013 16:27 | |||||||||
 Departamento di Cultura Aruba su director, staf y personal ta felicita nan colega Freddy Montoya como compositor di nos cancion ganador den e festival di 'Un Canto pa Aruba su Himno y Bandera' pa e aña 2013.
Kende ta e compositor tambe di e ganadornan di segundo y quinto luga. Alabes nos ta felicita tur e participantenan y e finalistanan pa contribui na engrandece nos desaroyo cultural. Nos ta e fin di siman di e celebracion di nos Dia Nacional di 'Himno y Bandera'. Ta momento pa nos para un rato keto, recorda y reflexiona riba tur nos simbolonan nacional y puntra nos mes. Kico esaki nan ta nifica pa nos? Nos escudo, nos Himno Nacional, nos bandera, nos moneda, nos ortografia y for di aña pasa nos shoko ta nos simbolonan di identidad nacional. Simbolonan nacional di union y libertad ta hopi Importante den un proceso di crea un nacion ('Nation Building'). Aspectonan tipico, manera norma y balornan di un pueblo y un teritorio (nacion), ta hopi importante den e simbolonan nacional. Un pueblo mester uni, ta orguyoso di su simbolonan nacional y como conciudadano nos mester laga nos diferencianan un banda. E ta motibo pa celebra, conmemora, duna nos goso y ta forma parti integral di nos pais. Concuidadanonan Aruba ta nos cas, nos patria, uni den un solo pueblo ban celebra e eventonan den cuadro di nos Dia Nacional den grandi cu un benta internacional. Amor patrio, amor pa bo simbolonan nacional ta importante y orguyo di nos tur. Pabien Arubanonan!
|
Mustra/Kita e formulario di comentario
