Thursday, 21 August 2014
Abraham de Veer scol ta cla pa participa den “Green 'S Cool” Print E-mail
Friday, 15 March 2013 16:23
DSC_2063
Alrededor di 500 hoben di pariba di brug a experencia e charla di ex astronauta Hulandes Wubbo Ockels, kende a yega Aruba na inicio di e aña aki cu su yate Ecolution pa promove proteccion di nos mundo pa e futuro generacion.

Den oranan di mainta tabatin un solo presentacion grandi pa mas cu 100 studiante di e scol, unda e hobennan a mustra nan interes den loke Ockels a trece dilanti. Por a constata cu e ex astronauta tabatin un conexion for di un inicio cu e studiantenan, kendenan a mustra di ta basta na altura di e peligernan di “greenhouse gas” causa dor di kimamento di petroli, carbon y gas natural. Tambe cu futuro di mundo ta solamente si tur hende pone nan bista riba un pensamento y maneho berde.

Profesor Ockels a conta di su experiencia den espacio cual a haci’e mas consciente pa traha na proteccion di mundo pa futuro generacionnan. Esaki a pone hopi di e hobennan reacciona cu asombro, principalmente ora cu di forma directo a mustra nan riba e diferencia entre espacio, unda niun hende por biba, y planeta mundo unda tur bida ta.

Profesor Ockels e biaha aki a wordo compaña pa e hoben studiante Arubiano Javier Sint Jago, kende no solamente a biaha abordo di Ecolution pa Aruba pero tambe a participa den diferente proyecto di auto cu ta core riba energia solar. Den diescuatro edicion di World Solar Challenge, Technische Universiteit Delft tabata e unico instituto cu a gana e competencia aki cuater aña sigui cu nan auto Nuna1, 2, 3 y 4.

Loke a capta atencion di hopi di e hobennan studiante ta e ultimo proyecto cu Profesor Ockels ta trahando riba dje, esta e Superbus moderno y luhoso cu su produccion ta costa rond di 10 miyon euro. Riba esaki tabatin diferente pregunta pero tambe riba e profesion di astronauta y trabou cu Profesor Ockels ta haciendo.

Na final di e sesion di diabierna mainta Profesor Ockels a reta e hobennan di Abraham de Veer School pa bini cu proyectonan berde cu nan lo por competi cune den “Green ‘S Cool”, uza nan sentido di curiosidad pa experimenta riba formanan nobo pa crea energia. “E ta algo cu kisas e scol mes lo beneficia di dje.” Varios hoben na final a indica cu e charla aki sigur a haci nan mas consciente di con mester anda cu medio ambiente. Steven Diaz a expresa cu e charla tabata hopi interesante pasobra su ambicion ta pa bira ingeniero di auto. Mientras cu el a expresa cu no solamente e lo bay participa den e proyecto “Green” pero cu e lo trata tambe di conscientisa esnan rond di dje riba e pensamento aki cu ta e futuro di mundo y protega e mundo pa e siguiente generacionnan cu ta bini.

Dr. Wubbo Ockels ta na Aruba en conneccion cu proyecto BoAruba y tin como un di su metanan pa conscientisa comunidad di e uzo di conciente di energia. Prijs di energia rond di mundo ta birando mas y mas caro y instabil cada aña. Esaki por causa hopi problema den comunidadnan cu no haci esfuersonan na tempo pa prepara pa futuro. Un di e otro metanan di e proyecto aki ta pa conscientisa hobennan y tambe generalmente tur ciudadano di e importancia di fuentenan energetico cu ta practicamente por nada y den abundancia manera biento y solo. Proyecto BoAruba ta spera di por contribui riba largo plaso riba un desaroyo sostenibel pa nos pais.

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter