| Firmante Bicento Henriquez para banda di su nomber riba Plasa 18 di maart |
 |
 |
| Friday, 15 March 2013 16:03 |
 Dia 18 di maart Aruba ta recorda cu 65 aña pasa Shon A Eman a entrega un mocion na La Reina y Mesa Rondo na Den Haag. E mocion aki cu a cambia destino di Aruba, a wordo compaña pa 2.147 firma di hombernan Arubiano di 21 aña pariba.
Hombernan cu ta parti esencial di nos historia, di Aruba su Status Aparte. Gobierno di Aruba a organisa un celebracion special e aña aki pa e firmantenan cu ainda ta na bida. Un comision a keda instala pa traha un buki cu e historia di Aruba su Status Aparte y colecta mas tanto dato posibel di e firmantenan. E buki aki, cu ta dedica na e firmantenan y cu ta hiba como titulo "18 di maart 1948. Comienso di un era nobo" ta wordo entrega na e firmantenan riba Plasa 18 di maart durante un bunita celebracion. Durante e dianan aki tabatin masha hopi preparacion tumando luga na e Plaza. Un di e firmantenan, sr. Bicento Henriquez hunto cu su señora a pasa eynan pa wak unda su nomber ta riba e Plasa. "Mi ta orguyoso cu mi nomber pa semper ta graba aki. Mescos cu mi ta orguyoso di a firma e tempo ey", Bicento a bisa. El a afirma cu sigur e ta parti di e actividadnan festivo riba e Plaza. |
Mustra/Kita e formulario di comentario
