Tuesday, 02 September 2014
E anja aki ta di 37 anja di dia Nacional di nos Himno y Bandera. Print E-mail
Friday, 15 March 2013 15:56
DSC_2063
E pueblo di Aruba, apesar di su anhelo pa dicidi su propio destino pa mas di mitar siglo, nunca antes a propone un bandera. Si e isla tabata conoce un escudo oficial y un himno cu e pueblo a bin acepta como di dje.

Riba indicacion di Gobierno Insular di Aruba a nombra un comision riba 21 di januari 1976, consistiendo di sr. Julio Maduro, Hefe di departamento di asunto laboral; Wouter van Romondt, profesor di dibuho na Colegio Arubano; Ronald Donk y Juan E. Wever, como secretario, a cuminsa cu su tarea di organisa un concurso den pueblo pa un diseño di bandera. Tawata tin un total di 693 diseño den e competencia. Durante e tarea di e comision diferente hecho pertinente a resulta. Asina hopi contribuyente, mayoria mucha di scol a desea di mira un strea di 4 punta y esaki tawata pa diferente motibo. Tambe un cantidad grandi a opta pa lista o marca di color horizontal y/o vertical. E colonan dominante tabata cora, blanco, blauw y geel. No a scohe e bandera mes entre e contribucion di e concurso pa determina e bandera. E comision a dicidi, cu yudansa di un experto Americano di “Flag Research Institute” na Boston, pa entrega nan propio diseño, cu ta contene un combinacion di e color, nificacion y balor, cu e contribuyente kier a dune. Ariba 16 di maart 1976, nos Parlamento a acepta e diseño aki, cual awe ta e bandera oficial di Aruba. Dos dia despues, riba 18 di maart, a hisa e bandera aki pa prome biaha, den un grandioso inauguracion oficial di Himno y Bandera, den Wilhelmina Stadion.

Na prome lugar nos di Fundacion Parlamento Hubenil y Srta.Engelhardt ken ta Minister Hubenil di Cultura kier a felicita tur e participantenan cu a haci e Festival di Himno y Bandera uno grandioso.

Mi mensahe pa boso como hoben y tambe adulto ta pa gosa di nos dia Nacional sanamente. Ban como famia core rond y bai na e diferente centro di bario nan unda tin actividad y dunae lugarnan aki e aporte y bida manera antes. E dia aki lo ta un dia di gran celebracion y sigur cu si un dia pa comparti cu famia, ta pa es motibo nos como hoben di Fundacion Parlamento Hubenil ta bias boso Feliz dia di Himno y Bandera.

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter