Tuesday, 30 September 2014
JCI YALA ta presenta e training “Negotiation Skills” Print E-mail
Tuesday, 12 March 2013 08:45
DSC_2063
Diasabra 6 di april proximo JCI Young Active Leaders of Aruba (JCI YALA) ta presenta e training “Negotiation Skills” cu lo wordo duna dor di Sr. Dave Martinus, Certified Business Coach y 2011 JCI Vice President. Ta di remarca cu e training aki a gana un premio como Best Training na nivel nacional di JCI Dutch Caribbean aña pasa.

Ta existi e idea ironico cu tur negociacion ta trata di placa. Pero esaki no ta e caso. Segun Roger Dawson, un autoridad den mundo di negociacion: “Tur momento cu bo ta desea algo di un otro persona y cada bes cu un otro hende mester di algo di bo, bo ta bezig ta negocia. Tur cos ta negociabel y tur dia bo ta negocia cu bo clientenan, coleganan pero tambe cu bo casa y yiunan.“

Negociacion ta un wega y manera tur wega esaki tin su reglanan y tacticanan. P’esey ta importante pa prepara bo mes di antemano. E factornan clave cu ta determina un bon resultado di cada negociacion ta inclui: poder, informacion, tempo, habilidad di comunicacion (verbal y no verbal) y personalidad. E miho negociadonan ta haci tur nan esfuerso pa gana y gana resultado.

Bo kier sa mas tocante e tacticanan y reglanan pa ta un negociado exitoso? No perde e oportunidad aki y registra awe mes pa bo por atende e training “Negotation Skills”. E training aki lo tuma luga dia 6 di april di 9’or mainta te cu 1’or di merdia na Universidad di Aruba y ta costa Awg. 75,- pa persona. Por registra via roxannevandinter@gmail.com of jciyala@gmail.com of por yama 593-2028 of 730-6005.

JCI YALA ta un organisacion non-profit nobo y dinamico cu ta forma parti di JCI (Junior Chamber International) un comunidad mundial di lidernan hoben y activo entre 18 y 40 aña cu ta dedica na crea e cambio positivo den comunidad, netwerk of desaroya nan mes como un persona prominente y cu curason pa nan comunidad. Keda pendiente di nos proyectonan y eventonan via www.facebook.com/jciyala

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter