Prome Minister Mike Eman tabata invitado special na e festival “Un canto pa Aruba su Himno y Bandera” diadomingo ultimo. Un festival cultural exitoso cu tin acogida grandi na Aruba, tanto di e publico cu ta bin pa presencia y apoya su faborito como tambe di e cantantenan mes cu ta percura pa bin cu bunita canticanan cu ta wordo presente den trahenan den e colornan di nos bandera of otro trahe tipico di Aruba.

E participantenan ta pone hopi atencion na nan cancion, e letranan ta bon escogi y na nan presentacion. Esaki ta haci e anochi asina special. Organisado di e evento fantastico aki, e incansabel sr. Harry Croes a para na porta pa ricibi Prome Minister Mike Eman y su distinguida señora Doina Eman. Nan a pasa saluda e hendenan presente. Gobierno di Aruba a duna un aporte financiero grandi na e festival aki di tal forma cu no mester a cobra entrada. Despues cu sr. Harry Croes a yama tur hende bon bini y gradici e sponsornan, el a yama Prome Minister riba stage pa dirigi algun palabra na e publico. Eman: “Awenochi nos ta culmina un momento importante di cancionnan cu ta yena nos curason cu orguyo. Di letranan cu ta inspira nos. Di emocionnan cu ta carga un pais”. Eman a pidi e publico pa lanta para y duna un fuerte aplauso na sr. Harry Croes, e finalistanan y tur esnan cu a participa pa e forma con nan a carga e amor pa Aruba, pa su Himno y su Bandera. Prome Minister Eman a desea tur e finalistanan hopi exito. “Bo no por haci pais sin orguyo. Bo no por haci pais sin un herencia cultural y bo no por haci pais sin speransa y optimismo”. Eman a sigui bisa cu cada un di e artistanan a yena tur presente cu orguyo y emocion pa nos traha pais. “Biba Aruba. Ban sigui padilanti pa hiba e pais aki unda mundo henter ta respet'e manera nos himno ta bisa”. Na final di su discurso cortico Prome Minister a yama Harry Croes danki pa tur su esfuersonan. Un aplauso grandi a sigui y despues e festival cu participacion di 23 finalista a cuminsa. Un bes mas e festival a resulta exitoso.

Comentarionan (3)

Mustra/Kita comentarionan

...

Ainda ta FRESCO den nos MEMORIA con boso a VOTA CONTRA di e HYMO Y BANDERA aki, of partido AVP a LUBIDA? Mester bai RIPITI historia atrobe! Cu mucho gusto!

!!!BERDAD!!! , March 12, 2013

• 
• +13
• 
• 

...

Aruba no tin mester pa OTRO paisnan respete! Loke Aruba mester ta pa e wordo respeta door di su mesun politico nan y hendenan bibando acutal! Ta e Rubiano nan ta loke ta hasi Aruba, focus riba e hendenan na Aruba, no pinta Aruba bunita pa afo wak siendo e hendenan mes ta sufriendo!

arubianodicurason , March 12, 2013

• 
• +4
• 
• 

...

Mike cu su hari falso ompp

Ta Mi Hendenan , March 12, 2013

• 
• +1
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi