Monday, 20 October 2014
Benny Sevinger: Iluminacion ta un aspecto importante di trabounan di infrastructura den barionan Print E-mail
Monday, 11 March 2013 19:47

Benny iluminacion

Dialuna mainta, Minister di Infrastructura Benny Sevinger a prepara un mainta di informacion riba e topico amplio di proyectonan di infrastructura na Aruba. Den caso di Iluminacion den barionan di Aruba, cu ta un aspecto importante di maneho di Gabinete Mike Eman, Sr. Sevinger a informa prensa di e ultimo desaroyonan.

For di momento cu Gabinete Mike Eman a cuminsa cu gobernacion, Prome Minister Eman a keda den consulta cu gremionan, pero tambe cu e habitantenan bishitando nan barionan aña 'den aña 'fo. Semper den e combersacionnan aki ta surgi e falta di siguridad pa motibo di poco iluminacion den barionan. Otro aspecto cu hopi biaha ta bin dilanti ta cu cierto di e luznan cu ta wordo uza riba caminda no ta sirbi e proposito di un mundo moderno mas. Esaki ta motibo cu Conseho di Minister a instala 'Comision Iluminacion di Cayanan'. E comision aki a haci un investigacion profundo di e necesidad rond Aruba. E comision a investiga e magnitud di e problema y con por soluciona pa por tin miho iluminacion den barionan y cayanan di Aruba. Segun e mandatario a splica, e intencion ta cu den un forma rapido ta bay ta instalando 1500 luz den barionan rond Aruba. Ta papia aki di un sistema di luz moderno, cu ta spaar energia. Na final lo tin rond di 6 mil led lights instala na Aruba, esaki ta wordo haci den cooperacion cu ELMAR. Mayoria di e luznan aki ta pa instalacionnan nobo den e barionan mientras cu un parti chikito ta pa cambia iluminacion existente. Tur esaki ta basa riba e analisis cu a wordo haci door di e comision di e estado di iluminacion barionan rond di Aruba, cual ta e bario cu menos iluminacion, pero tambe ki tipo di luz mester. Na final Gobierno kier percura pa un Aruba miho ilumina y na mesun momento uzando un tipo di iluminacion mas eficiente.

Comentarionan (1)Add Comment
Bon trabow
March 12, 2013
188.202.227.25
Votes: +2
...

Mi ta duna Benny two thumbs up pa su dedicashon. Pero tambe lo mi ta critico LED lights berdad ta mas efficiente e lo ta Bon pa unda no tin iluminashon. Miho esei cu nada pero pa caminda principal bijvoorbeeld na aeropuerto tin in fayo barbaro. Pa cuminsa LED ta pa mas duradero pero ta duna menos iluminashon cu bombilo traditional of halogen. Awo boso kier usa LED y pa colmo tire riba un palo di luz di casi 4 meter of mas esei ta pone cu e radius lo ta menos. Ah un solushon ban pone luz riba e isla mey mey di caminda placa tira afo. Ora di hasi algo vooral cosnan nobo busca consejo prome of Ora biaha habri wowo I observa e detalles nan ey. Djies compara e iluminashon na linear park versus aeropuerto. Benny no lubida pos Chiquito Banda di Casas del Caribe tambe ta parti di aruba I nos tambe lo desea di hanja luz ey Banda pa caba.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter