Wednesday, 16 April 2014
Gobierno: Hobennan ta keda impresiona y motiva pa lectura di Prof. dr. Wubbo Ockels Print E-mail
Monday, 11 March 2013 19:31

hoben ockels

Como parti di e programa di conscientisacion di BoAruba, ‘GreenSCool’, Prof. dr. Wubbo Ockels, e ex astronauta y cientifico a bishita dialuna mainta Maria College MAVO. Un grupo di seis diferente klas a haya oportunidad di presencia un lectura duna dor di Ockels caminda e ta splica di su experiencia den espacio te na e importancia di cuida nos planeta.

Alexia ta un studiante di klas 2F di Maria College, kende na su salida for di e lectura a comparti su impresion. “Mi a hay’e hopi interesante y definitivamente mi lo kier sa mas di e topico aki.” E hoben a indica tambe cu tabata hopi impresionante pa por a tende opinion di un berdadero astronauta. “E parti mas interesante ta cu mi mes por a haci pregunta. Asina nos a haya sa mas di e tempo cu el a bay den espacio.” Otro aspecto cu Alexia a corda riba dje ta con Ockels ta resumi henter e pensamento ecologico den un solo frase y esey ta cu “Nos ta astronauta di e nave espacial Tera.” Cu esaki e kier men, cu nos planeta ta cas di nos tur y cu nos tur ta responsabel pa cuid’e. Alexia a bisa: “Mi ta haya esey hopi great, pasobra despues di tur cos, ta un mundo nos tin y bo kier pa e dura pa hopi tempo pa nos tur biba riba dje. ‘Green S Cool’ su obhetivo ta pa crea un futuro sostenibel pa e scolnan y e comunidad di Aruba. Kier logra esey dor di haci e scolnan di Aruba mas eficiente den consumo y produccion di energia, pa ta mas sostenibel y economicamente independiente dor di involucra y motiva studiantenan pa tin un consenshi mas grandi pa loke ta medio ambiente. Esaki lo beneficia e scolnan dor di mehora e calidad di educacion dor di reduci e gastonan di coriente y awa y dirigi e fondonan aki den educacion y programanan di arte, deporte, etc. Alexia a conta cu e lectura di Dr. Ockels a lanta su curiosidad pa e tereno di tecnologia y ecologia y e ta contento di sa cu si esaki ta e direccion cu e kier sigui, anto e por haci esey, mescos cu otro studiantenan Arubiano a haci y/of ta haciendo caba. Un ehempel ta Javier St. Jago kende ta studiando na universidad tecnologico di Delft y aki na Aruba mes, alumnonan di EPI sector ciencia tin nan propio laboratorio di panelnan solar. Dr. Ockels ta na Aruba en conneccion cu proyecto BoAruba cu tin como un di su metanan pa conscientisa e uzo di energia berde na Aruba. Prijs di energia rond di mundo ta birando mas y mas schaars cada aña y den futuro esaki por significa prijsnan mas caro y mas importante ainda, mas instabil. Conscientisando hobennan y tambe generalmente tur ciudadano di e importancia di fuentenan energetico cu ta practicamente por nada y den abundancia manera biento y solo, proyecto BoAruba ta spera di por contribui riba largo plaso riba un desaroyo sostenibel pa nos pais.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter