Wednesday, 01 October 2014
Harry Croes: Loke wordo produci awe ta herencia cultural di pais Aruba Print E-mail
Monday, 11 March 2013 19:31

harry croes

Un biaha mas e festival di musica ‘Un canto pa Aruba su Himno y Bandera’ tabata exitoso. Un total di 23 participante finalista a canta cancionnan bunita den cual nan a expresa nan amor pa nan patria den un Entertainment Center cu tabata carga di hende. Despues di e pre-final diahuebs y diabierna caminda a selecta e finalistanan, diadomingo anochi tabata e culminacion di e festival.

Harry Croes tabata cansa, pero satisfecho manera con cosnan a bay un bes mas. Tabatin varios tent cu cuminda, bebida y otro cosnan tipico di Aruba na benta. Den su discurso na unda el a yama tur presente un bon bini Harry Croes a gradici e casnan comercial pa nan aporte y sigur tambe Prome Minister Mike Eman, kende a duna su sosten grandemente. Harry Croes: “E gastonan di Entertainment Center a wordo completamente cubri dor di gobierno, mescos tambe e sistema di zonido. Esakinan ta gastonan grandi. Ta p'esey cu nos ta gradicido na gobierno pa esaki, pasobra sin e sosten aki nos lo mester a cobra entrada. Cobrando entrada nos ta stroba hendenan di bin aki pa ta parti di e festival aki”. Croes a gradici tambe e demas sponsornan cu a duna nan sosten na e evento cultural aki. Dirigiendo su mes na e publico grandi el a bisa “Mi ta desea boso un feliz anochi. Un anochi agradabel. Un anochi cu boso ta bay disfruta di 23 cancion cu a clasifica pa yega final”. Finalmente Harry Croes a bisa “Loke wordo produci awenochi aki den ta herencia cultural di pais Aruba”. Duo Maya Marin y Michel Almary a gana e festival cu nan cancion ‘Curason’.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter