Un di e reunionnan importante cu Minister Otmar Oduber tabatin na Hulanda, tabata cu tres compania pa loke ta trata busnan electrico mirando cu intencion ta pa e aña aki Aruba conta cu 4 bus electrico na servicio di comunidad.

E proyecto aki ta bin den cuadro di e vision di Gabinete Mike Eman, cual Minister Otmar Oduber ta sostene totalmente, cual ta pa haci di Aruba un ‘Green Aruba’concentrando mas tanto posibel roba energia y tecnologia berde.

E maneho aki tambe ta wordo carga pa Gerencia y Hunta di Directiva di Arubus kendenan a forma un asociacion cu WEB y AIB pa por logra e adkisicion di e busnan electrico en cuestion.

E acuerdo aki entre e Arubus, WEB y AIB sigur ta uno ventahoso pa tur partido.  AIB lo financia e busnan mientras cu WEB lo traha un charging station pa e busnan y lo duna Arubus un tarifa special pa cu esaki.

Mirando cu WEB tin peak y caida den nan produccion di coriente, esaki ta haci cu nan produccion no ta completamente eficiente y ta kima mas fuel cu lo necesario na momentonan di caida. Na momento cu busca e 4 busnan electrico aki, esakinan lo wordo carga durante e oranan di caida. Di e forma aki e produccion di WEB lo bira uno mas constante y por produci coriente mas eficiente. Esaki a lo largo lo por trese cune un reduccion di prijs pa comunidad.

Pa Arubus, e ventahanan ta cu nan ta haya busnan mas eficiente, e gasto di fuel lo baha hopi, mescos cu e gastonan di mantencion. Tur esaki mientras cu ta contribui na cuido di nos medio ambiente, manera ta vision di Gobierno actual.

E tres companianan cu a duna presentacion y demostracion na Hulanda tabata E-Traction, E-Bosco y BYD. Cada un di nan a presenta nan producto na Minister Oduber y delegacion di Aruba, consistiendo di ehecutivonan di Arubus y WEB. Mester bisa cu a trata di un presentacion hopi detaya caminda nan a duna e specificacionnan di e busnan cu nan ta ofrece. Despues di e presentacion, e companianan E-Traction y E-Bosco a laga esnan presente na e reunion y algun parlamentario di Aruba presente tambe, core den e busnan caminda a splica specificamente tur e teconologia cu ta wordo usa den e  E-Busnan.

Mirando e importancia di e conferencia cu ta bay tuma lugar na Aruba, esta Europe Meets the Americas, e compania E-Bosco a indica cu nan lo ta presente tambe y cu nan lo bin cu un di nan busnan pa expone esaki na Aruba.

Minister Oduber a comenta cu na e momentonan aki Arubus ta evaluando si ta bay pidi oferta na companianan Mericano tambe, pero loke si ta un hecho ta cu e aña aki Aruba lo conta cu busnan electrico.

Comentarionan (3)

Mustra/Kita comentarionan

...

Wat een domme verslaggeving/artikel ! kiko WEB tin deber cu bus electriko ? Kiko e bus cu ta core ainda riba diesel tin deber cu WEB ? Nan ta gasta e diesel p'e turbina nan cu ta produsi coriente pa Aruba? Of mi ta asina dom mi no ta compronde nada mas di Aruba ? trece e busnan y charge nan cu solar energy. Solarcell riba e dak dje bus p.e.

what goes around.. , March 11, 2013

• 
• -3
• 
• 

...

Dushi snoepreisje Sr.Ras, ta pesey mes cu awe e voznan cu tawata resona den W.E.B. tempo di gobierno di M.E.P., awe tur tin chupabebe den nan boka.By the way Otty, e dashi geel no ta pas cubo.

zakazulo , March 12, 2013

• 
• -1
• 
• 

...

Poko tempo pasa Aruba a hanja bus nobo, awor trobe. Riba un isla,cu tantisma auto??? Unda minister di gezondheid zorg akeda, Mas polusion, mas sushidat den aire,Ta pesey tin tanto males riba e isla. Bon plan di e routanan i busca e piek i e dal nan cu tin, paso tur hende sa ki ora ta mas druk cu otro. PLANNING

rasmijn , March 13, 2013

• 
• +0
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi