Sunday, 23 November 2014
Parke di Emmaschool ta practicamente cla pa habri e siman aki Print E-mail
Monday, 11 March 2013 15:22
Comparti
DSC_2063
Juffrouw Cilia Pablo di Emmaschool ta mas cu orguyoso cu un parke cu ta kedando cla riba tereno di scol. Esaki ta un proyecto existente for di tempo cu e scol a muda pa Ayo den su edificio nobo. E cabesante e tempo ey a pensa riba un parke, pero tabata falta sponsor y full un proceso pa e idea por cristaliza.

Awor e proyecto ta casi cla y a sembra mata di diferente tipo, por ehemplo fruta, berdura, tomati y nan ta haya un borchi pa distingui cada nomber pa e mucha sa ki tipo di mata nan ta. E meta di esaki ta pa siña e muchanan pero alavez pa nan por diverti y pasa bon. Un persona cu a apoya hopi e proyecto aki ta Roosleen Oduber (qepd), cu tabata maestra di scol special y a duna les na Emmaschool y ultimo tabata directora di Directie Onderwijs.

E parke ta parti den dos area, un pa e alumnonan mas chikito y otro pa esnan mas grandi y ta accecibel pa alumnonan riba rollstoel of cu no por cana bon pa nan no keda sin move den un hoeki, pero pa nan tambe por move libremente. E parke ta conta cu banki y areanan di sombra caminda e muchanan por sinta haci les, lesa buki, traha den grupo, etc.

Mas cu dos aña a tuma pa e proyecto ta caminda e ta awor y juffrouw Cilia a gradici tur sponsor cu a duna un man y e task force cu a haci un tremendo trabao pa traha e camindanan, haci limpi y tambe nan cariño pa kere den e proyecto. E apertura oficial lo ta e siman aki y tin algun cos chikito cu ainda falta, pero nan ta hopi contento cu locual a logra te awor. Aunke e scol ta wordo usa despues di les pa training di diferente deporte no a pensa ainda si e parke lo habri pa publico. Pa awor ta prefera pa proteha loke e parke tin den dje pa recreacion di e muchanan y evita bira victima di vandalismo.

dowers dowers dowers
dowers dowers dowers
dowers dowers  

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter