Saturday, 25 October 2014
Por entrega nominadonan pa Copa Hubenil Gobernador Felipe B. Tromp Print E-mail
Monday, 11 March 2013 15:21
DSC_2063
Diaranson 20 di maart lo ta e ultimo dia pa entrega nominadonan pa Copa Hubenil Gobernador Felipe B. Tromp. Anualmente ta otorga e copa aki na un hoben of grupo di hoben te cu 18 aña cu a destaca riba tereno di deporte, cultura of actividadnan social.

Cu deporte ta referi na tur tipo di deporte y el logronan por ta tanto na nivel local como internacional. Riba tereno di cultura ta pensa riba canto, baile, arte, musica etc. Y no ta trata solamente di gana premio, pero tambe actividadnan unda e hoben(nan) a participa o a yuda organisa.

Riba tereno social por ta forma parti di scouting, forma parti di coro of un otro grupo den misa, medio ambiente, yuda organisa charla etc., un scol cu a haci actividadnan social, recreativo etc.

E logronan mester a cubri e periodo di 1 di maart 2012 te cu 28 di februari 2013.

E descripcion por contene informacion general di e grupo of hoben manera ki tempo a cuminsa ta activo riba sea tereno social, cultural of deportivo. Logronan a base di premio of proyectonan realisa etc.

E copa ta dedica na e prome gobernador di Aruba Sr. Felipe B. Tromp, un persona cu semper a apoya tur trabou cu ta tuma luga riba tereno di formacion di nos muchanan sea ta tereno social, cultura of deporte.

Por entrega tur nominacion te cu 20 di maart proximo cerca señora Nilda Koolman na L.G. Smith Boulevard 26. Pa mas informacion por yama tel 582-5774. Tambe por yama señor Ricky Hoek na tel 582-3773.

E ganado lo ricibi e copa for di Su Excelencia Gobernador di Aruba durante un ceremonia special.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter