Monday, 24 November 2014
Ta busca participante pa show di television "icon 5" Print E-mail
Monday, 11 March 2013 14:59
Comparti
DSC_2063
ICON 5 lo ta e producion mas nobo di Ronchi De Cuba pa television.  E show lo ensera 5 elemento di moda y beyeza.  Fotografia, Diseño di moda, Maquiyahe, Estilizacion di Cabey, y Modelahe.
 Un producion cu lo wordo presenta durante lunanan di April y Mei 2013.  Actualmente ta busca participantenan pa competi den ICON 5.  Personanan di 16 anja bay ariba cu ta interesa den un di e categorianan ya caba por inscribi na TRASH BY RONCHI.  "ICON 5 tin como meta principal e descubrimento, lanzamiento, y promocion di talentonan local.  Hendenan cu tin un talento den un di e 5 categorianan por inscribi y asina participa den e proximo hit di television cu nos ta preparando" ta locual Ronchi De Cuba a duna di conoce.  E formato di e show ta uno completamente nobo y lo wordo presenta den un forma sumamente original.  Pa aclarea tur duda  Ronchi a informa cu e show aki no tin absolutamente nada di hasi cu Aruba Model Search y cu ICON 5 ta algo completamente nobo y diferente.  
Fotografia
Esnan cu tin un talento pa fotografia, no necesariamente profesional, por inscribi pa participa y asina mustra nan talento den e ramo aki.  Participantenan di fotografia lo realisa diferente projectonan, cu diferente topiconan y temanan, pa asina mira ken ta bira e "New Photographer ICON 2013" di Aruba.  
Hair Styling
Personan cu tin un talento pa drecha cabey, no mester ta profesional, y cu kier desaroya y promociona esaki por inscribi y asina forma parti di un show di television cu lo duna realse na nan talento.  Na final di ICON 5 un participante lo gana e premio di "New Hair ICON 2013".
Fashion Design
Esnan cu tin un abilidad pa realisa diseño di moda, no mester ta profesional, y cu kier presenta nan estilo durante ICON 5 por inscribi y asina realisa diferente projectonan di "fashion design" pa Aruba henter mira.  Na final di e season di e show lo anuncia un ganador den e categoria aki cu lo ta "New Fashion ICON 2013".
Make Up
Personanan cu ta realisa maquiyahe y cu tin e talento, no mester ta profesional, por inscribi y asina realisa diferente projectonan di make up durante e prome season di ICON 5.  Na final di e temporada lo anuncia un ganador cu lo bira e "New Make Up ICON 2013" di Aruba.
Fashion Model
Jovenan entre 15 pa 25 anja di edad cu tin e "model look" y un bon personalidad ta wordo invita pa inscribi pa e categoria di Fashion Model pa ICON 5.  Aki jovenan masculino y femenino lo competi y realisa diferente projectonan di modelahe y na final di e season lo anuncia e "New Male Model ICON 2013" y "New Female Model ICON 2013" di Aruba.
Registra Awor !
Registracion ya caba ta habri y por wordo hasi unicamente na TRASH BY RONCHI di Dialuna pa Diasabra entre 10am cu 7pm.  Definitivamente e show ta priminti di bira un hit nacional y lo ta un plataforma pa asina talento local luci.
"E concepto di e show ta uno sumamente entretenido y ta wordo realisa den forma constructivo pa asina engrandece y cultiva talento di Aruba" Ronchi ta continua bisando.  Participacion pa ICON 5 ta completamente gratis.  Pa mas informacion por yama 582-6632 y cu gusto lo contesta cualquier pregunta.
 

 

dowers dowers dowers
dowers dowers  

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter