Wednesday, 26 November 2014
Curso y training di jairo villegas di e doma racional ta cuminsa diabierna awor Print E-mail
Monday, 11 March 2013 14:48
Comparti
DSC_2063
E trainer internacional di e doma racional Jairo Villegas ta yega Aruba Diahuebs awor pa comparti cu e caballistanan di Aruba su specialidad. OCA a organisa un curso durante 3 dia y lo ta e fin di siman akin a Villa Floralina. E curso ta inicia Diabierne atardi y lo ta di 6’or pa 8’or.

Diasabra y Diadomingo e lo ta mainta di 9’or pa 11’or. Parew cu e curso aki lo habri oportunidad pa esnan cu ta interesa y cu tin un potro of potranca rond di 2 aña pa recibi e training special aki, pero tambe pa ehemplarnan mas jong cu mester e training di “inprinting”.

E doma racional ta un specialidad cu ta bon pa tur propietario y amante di cabai sa, ya cu esaki ta duna nan e herment adecuado con pa anda cu nan ehemplar desde e momento cu e nace. E ta un sistema relativamente nobo cu ta ser usa awendia rond mundo. E doma racional a bin abase di e sciencia popular conoci como “the horse whisperer” o sea e idioma cu e cabai ta papia. E sciencia despues di a studia extensivamente e cabai den su naturalesa, pues salvahe y con e hefe di un manada ta disciplina e potro y potrancanan den su manada cu no ta comporta nan mes bon. E rol aki, contrario na loke hopi ta pensa no ta e macho padrot cu perfcura pa e reproduccion, sino e yewa mas dominante y hopi biaha esun di mas edad. E doma racinal ta un imitacion di esaki, substituyendo e yewa pa un humano.

E doma racional tin varios ventaha grandi. Esun mas basico ta cu e ehemplar hoben no mester pasa den un trauma den e fase cu e ta ser domestica y cu e risico di perde confianza den e humano y pa respete unicamente abase di temor.

E otro ventaha ta cu un cabai na tur momento mester ta manehabel pa asina e no tin miedo y den su susto no causa un accidente serio na su mes y na su manehador. Un cabai sigur tin mas forsa cu un hende y pa gana su confianza mester di un persuacion psicologico, door di compronde con un cabai ta pensa y actua.

E otro ventaha grandi ta cu via di e doma racional, e ehemplar ta sinya hopi liher, hasiendo e proceso di domesticacion mas rapido y casi sin stress pa e ehemplar. Hopi biaha ta e problemanan cu e ehemplar ta hanya den su training ta keda graba pa eternidad. E equino ta conoci como un animal di gran memoria. Door di training adecuado e por disimula cu ela lubida, pero cualkier cos chikito por pone e cabai recobra un experiencia malo cu e tabatin. Pesey ta bon pa e tin un bon experiencia di su training. E sistema aki por, pero no necesariamente mester substitui e proceso di guia e monta di e ehemplar cu un madrina, cu ta dune mas confianza.

Tanto e training di potro como e curso lo tuma lugar na Villa Floralina door cu eynan tin un picadero sera cu ta adecuado pa e training. Jairo lo yuda den e traida di e potronan door di sinya nan con ta subi un trailer sin miedo. Pa coordina esaki por fabor tuma contacto cu Dairo Jimenez na 593-5033. A scohe pa e curso tuma lugar despues di horario di trabao, esta den horanan di atardi pa anochi y den fin di siman pa tur hende por atende.

Pa atende e curso di 3 dia ta cobra: f.50 pa miembro y f.75 pa no-miembro. Na final cada miembro cu sigui e curso di 3 dia lo recibi un certificado di atendencia. Den e plan di subsidio di Gobierno, OCA a hanya asistencia pa organisa e curso aki pa asina por a tene e costo mas abao. Esey ta nifica cu no lo permiti mirones na e curso, ni training, sino unicamente pa esnan cu a paga.

Pa somete un ehemplar na e doma racional lo cobra f.250 y si tin mas di un ehemplar e ta f.200 pa ehemplar. E tarifa pa no-miembro ta f.300 pa ehemplar. Pa loke ta “in-printing”, cu lo tuma lugar na e caballeriza caminda e potro ta ubica, lo cobra f.100 pa ehemplar y pa no-miembro e ta f.125.

“In-printing” ta e proceso na cual ta somete un potro bao di 2 aña pa e bira manso bao di maneho di cualkier persona. Ta sinya e ehemplar no unicamente pa cabestria, pero tambe pa e hisa su man y pianan cu confianza y laga hende pasa man riba tur parti di su curpa. Despues di e training e mesun manehador por sigui hacie pa e potro no perde practica. Esaki ta un bon garantia pa un ehemplar lanta sin rabia of mal custumber, cu despues por converti su mes den un maniña cu ta dificil pa kita Inscripcion pa e cursonan por tuma lugar via email dirihi na secretario Detta Henriquez, telefonicamente of personalmente na miembronan di directiva.

dowers dowers dowers
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter