Sunday, 20 April 2014
ATIA conhuntamente cu kia ta intercambia di idea ariba e topico di reintegracion di ex-presonan Print E-mail
Monday, 11 March 2013 10:51
DSC_2063
ATIA conhuntamente cu KIA a organiza un dialogo multi disciplinario, na unda sector priva y publico a intercambia di opinion y experencia encuanto integracion di (ex-presonan bek den nos mercado laboral y comunidad en general.

Pa ATIA y comercio en general empleo di (ex-)presonan ta un problema grandi y complica. Resocialisacion di e doelgroep aki ta rekeri un enfoke integral cu diferente instancia y disciplina profesional. Duna un ex-preso trabao por bay acompanja cu hopi risico pa un comerciante. Pa es motivo aki commercio tin e tendencia di tuma un persona cu no tawatin problema cu husticia mas liher na trabow cu uno cu si tawatin un problema cu husticia.

Na mes momento ATIA ta di opinion cu un trabao ta duna entrada, ritmo, structura y autoestima. Tin un trabao y retene un trabao tin un proceso preventivo, y segun varios estudio un preso cu sali liber lo cay bek menos liher den circuito criminal si e tin un trabou. Preveni criminalidad pa comercio y comunidad en general ta e idea basico tras di e pensamento aki, manera treci dilanti pa sr. Igmar Reyes di ATIA y esaki ta e motivo tambe pakiko a organiza un dialogo multi disciplinario.

ATIA
Na prome lugar ATIA ta sumamente agradeci cu tur su partners tabata presente. AHATA, Mambo, ATSA, WAB, Kamer van Koophandel y algun impresa grandi manera Total Services y WEB.

Companianan lo por scohe pa resocialisa (ex-)presonan den nos mercado laboral como parti di nan corporate social responsibility. Pero duna un ex-preso trabou como parti di e filosofía aki no ta bay automatico, cooperacion di banda di gobierno ta hopi crucial, segun sr. Reyes.

Den varios momento den e reunión a bin dilanti cu empresanan ta traha cu drugs free policy locual tambe lo ta un exigencia pa e grupo di (ex-)presonan pasa e screening. Ademas comercio ta di opinión cu hopi biaha ex-presonan no tin custumber of a perde custumber di traha, no tin diploma (adecua), ni suficiente experiencia den trabou.

Apesar cu den KIA tur hende lo por upgrade nan conocimiento, pero comportacion, actitud y gara experiencia den trabou ta solamente posible door di traha, y esakit ta loke e grupo aki hopi biaha ta falta. Tur e puntonan aki ta hasi e chens pa un (ex–)preso integra bek den sociedad bira mas chikito. Di e manera aki e conocido circulo vicioso ta keda rondo. E reto principal ta keda claro na con pa kibra esaki. Aki gobierno por y lo mester hunga un rol mas grandi.

Un punto crítico di ATIA pa cu resocialisa (ex–)presonan den nos mercado laboral ta nos leynan laboral cu no ta permiti ningún clase di flexibilidad. Por ehempel si un comerciante cu tuma un ex-preso den trabou, ta obliga di tuma e persona den vaste dienst después di 2 luna caba, cu tur e consecuensianan.

ATIA i comercio pa cu un trajecto asina lo kier pone condicionan manera un proeftijd di 6 luna of hasta 12 luna, pa asina duna comercio un chens pa evalua e persona aki, custumbre bek den e circulo di trabou i hunto cu instancianan gubernamental traha ariba su reintegracion pa medio di trabou.

KIA
Sra. Charlene Oduber, miembro di management di KIA, ta declara cu ta contento cu e paso nobo cu a wordo tuma conhunto cu ATIA pa cuminsa cu un dialago multi-disciplinario riba nivel di organización y comercio. E ta un paso inovativo cu e meta pa hiba Aruba den unión pa hunto cu sector priva y sector publico por hiba dialogo pa por yega na solucionnan pa e problema grandi y complica cu tin na Aruba tocante emplea (ex)presonan di Aruba. Dunando (ex)presonan ta un forma tambe pa combati criminalidad na nos isla, paso di e manera aki no mester comete delito pa por tin cuminda riba mesa y un dak riba cabes.


Un meta grandi di KIA den relación cu e resocialisacion ta cu presonan ta cuminsa traha duro riba nan integración bek den comunidad for di dia uno cu nan drenta KIA. Hayando trabou pa hasi for di den KIA caba door di peticionnan biniendo di comercio of instancianan cu cierto producto mester keda cla, preso ta traha for di den KIA y por contrubui na e crecemento di e estado social económico di Aruba. Un preso ta costa país Aruba afl 450,00 pa dia. Door di sera porta y tira jabi afor ta empeora e situación. Dunando preso trabou y educación, nan ta cuminsa sinja para riba nan mesun pianan y por traha riba nan habalidadnan cu mester pa por haya y mantene un trabou. Cu trabou un preso ta hanja un structura cu mester pa funciona saludabel.

Awor ya KIA a cuminsa cu su programa piloto, cu ta consisti cu den oranan stipula for di mainta preso mester ta cla y acudi pa traha den un kantoor cu a wordo prepara pa nan. Esaki ta un dia normal pa cualquier hende den comunidad y ta bon pa presonan por cuminsa hanje e ritmo for di KIA caba. Den e sentido aki KIA ta di acuerdo cu comercio cu mester traha riba custumber di traha y structura. KIA ta di opinión cu esey mester cuminsa for di den KIA caba y no mester warda te ora presonan (ta den) sali. Via reclassering e ex-preso por sigui su rumbo bou guía professional hunto cu e dunado di trabou.

Por lo demas, e reto según varios departamentonan di gobierno ta keda e
imagen y prehuisio cu tin di ex-presonan y ta algo cu nos conhuntamente tin cu (cuminsa) traha riba djele. E bottom line ta cu tin hopi categoría di (ex-)presonan y esaki por diferencia drastico. Tur ex-presonan merese un secundo chens. Tan ten comercio (y comunidad) keda sera porta, nan nunca lo por demonstra nan mes y asina nunca lo por tin storianan exitoso.

Por ultimo, tur participante durante e brainstorm sessie aki a expresa nan aprecio y ta sostene e initiativa aki y ta conciente cu lo ta un caminda largo pero cu conhuntamente por bin na solucionan practico. Comercio a expresa e necesidadnan pa tin mas conocimento kiko y con e guía durante y después di e detención lo ta. Paso 2 luna proeftijd no ta suficiente pa wak si e ex-preso ta apto pa e función. Importante pa cu e trajecto aki ta cu tin espacio pa dialogo y tin comunicacion.

Participantenan di banda di gobierno tabata: KIA, Reclassering, SER, Ministerio Publico, Universidad di Aruba, SERLIMAR.

dowers dowers dowers
dowers dowers dowers
dowers dowers  

Comentarionan (1)Add Comment
PC
March 11, 2013
201.229.8.72
Votes: +1
...

this is a test. it should be working

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter