Thursday, 24 July 2014
Studiantenan di Universidad di Aruba a Resalta na SOBE WFF Print E-mail
Monday, 11 March 2013 09:58
DSC_2063
E studiantenan di Universidad di Aruba (UA) a disfruta di nan viahe educational na SOBE WFF cu a tuma lugar na Miami, Florida.

Pa prome biaha studiantenan ta forma parti di un evento di tal magnitud. E grupo di 21 studiante a yega Miami dialuna 18 di februari y e prome dia di e evento a cuminsa diaranson 21 di februari. Nan a wordo dividi den tres grupo di 7 studiante y a forma parti di e teamnan di “Village” “North y South Tents” hunto cu centenares di studiantenan di Florida International University (FIU).

Durante cuater dia largo e studiantenan a traha oranan largo y a eherce trabownan duro, pero a mantene un sonrisa riba nan cara. Algun por a wak di serca personahenan manera Rachel Ray, cu por cierto a hasi e engrandece e experiencia.

E organisador y supervisor di e evento a duna palabranan di elogio na e studiantenan pa nan dedicashon y aporte na e trabow, y a agrega cu lo no por tawata posibel sin nan ayudo. Mayoria di e studiantenan a ricibi oferta pa un carta di recomendacion cu lo tin un valor inigualabel. Tambe e studiantenan a hanja e experiencia necesario pa nan curso di Event Management.

E staf di e Facultad di Hospitalidad y Turismo di UA ta orguyoso di tur locual cu a logra danki na e grupo di studiantenan aki. Nan a hasi nan mihor esfuerso pa a hasi e viahe educational aki uno exitoso. E studiantenan a demonstra netamente locual cu e Arubiano ta conoci pe y a mustra e professionalismo na e nivel cu UA ta conoci pe.  

Algun di e studiantenan a comparti kiko pa nan a resalta durante e evento y a comparti lo siguiente, “Demostrando cu ni maske con dificil e situashon, nos ta un tremendo team.”, “Forma parti di un evento asina grandi cu miles di hende.” Y “Serando un laso mas fuerte cu studiantenan di UA, FIU y docentenan.”

Ariba diadomingo, e studiantenan a ricibi un bishita di sorpresa di Chef Antonio “Joselito” Albertsz cu a comparti cu e grupo con ela logra bira un Chef na e prestigioso Disney World Resort.

Universidad di Aruba kier a gradici tur su partnernan y sponsors pa nan sosten y ta wak esaki como un prome stap na caminda pa logra un meta mas grandi di organisa un evento similar na Aruba, na su debido tempo y den cooperashon cu partnernan den industria.

dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter