Wednesday, 24 September 2014
Minister Michelle Hooyboer-Winklaar: E enfoke ta pa uni hende muhe y hende homber pa comparti poder y liderazgo Print E-mail
Sunday, 10 March 2013 20:47

front-IMG 4121

Como organisado y anfitrion di Women's Day Conference 2013, Minister Michelle Hooyboer-Winklaar a yama 800 participante bon bini na e di dos conferencia anual den Renaissance Convention Center diabierna mainta. E conferencia, cual tabata "sold out" apenas algun dia despues cu registracion a habri, a wordo ofreci gratis pa Ministerio di Asuntonan Economico, Asuntonan Social y Cultura, cu colaboracion valioso di sponsornan manera Caribbean Mercantile Bank y Aruba Bank. Minister Hooyboer-Winklaar a introduci e tema internacional di e aña aki, "Strong Women. Strong Leadership. Strong World.", o sea "Hende Muhenan Fuerte. Liderazgo Fuerte. Un Mundo Fuerte."

El a splica cu e dia aki ta un celebracion di exitonan, pa enfoca riba metanan y cu ta esencial pa sigui comunica tocante e diferente areanan relevante cu mester di desaroyo continuo. Cu esaki e mandatario a bisa cu poniendo enfoke riba e hende muhe y nan poder interno y externo no kiermen cu ta of mester kita e poder di ningun otro hende. Mas bien, un conferencia asina aki ta dirigi na motiva e combersacion tocante con pa lidera, con pa comparti e poder, con pa comparti e liderazgo, Minister Hooyboer-Winklaar a expresa. E mandatario siguientemente a comparti algun dato di interes general. Un estudio amplio haci pa Mc Kinsey & Company ta mustra cu companianan unda cu mas di 30% di su liderazgo ta consisti di hende muhe, e companianan tin miho rendimento financiero, compara cu companianan cu no tabatin hende muhe den su top. Na Aruba, di acuerdo cu CBS, na 2013 hendenan muhe ta contribuyendo directamente cu 2.1 biyon florin e Gross Domestic Product (GDP) di Aruba, cu ta 44% di e total di e GDP. Hende muhenan ta representa den tur diferente area di trabao y asina ta constitui casi mita di e participacion na e sistema laboral na Aruba. Cifranan di Centraal Bureau voor de Statistiek ta mustra cu trabao sin pago, incluyendo trabao na cas y trabao boluntario ta suma 204 miyon florin pa aña y entre 60 pa 70% di tur trabao "sin pago" ta wordo haci pa hendenan muhe na Aruba. Tambe, un gran cantidad di organisacion di interes special no gubernamental na Aruba a wordo funda of ta wordo maneha pa hendenan muhe. Cu esaki bisa, Minister Hooyboer-Winklaar a resumi algun desaroyo positivo cu a tuma luga ultimamente en conexion cu e desaroyo y apoyo general pa hende muhe na Aruba. Centro di Desaroyo pa Hende Muhe, cual a wordo estableci dos aña pasa a prueba di ta asina exitoso cu hasta e isla di Boneiro a acerca CEDEHM pa nan sosten pa establece un centro asina riba nan isla. Tambe, Minister Hooyboer-Winklaar a comenta, leynan nobo y cambionan di ley cual ta na beneficio di e ser femenino ta tumando luga, incluyendo ley laboral. Entro otro ta bay introduci strafnan mas fuerte den casonan di violencia domestico y casonan di abuso di mucha; a introduci ley contra "sexual harassment" den e codigo civil; a kita e prohibicion pa hende muhe traha nightshift, cual tabata un ley hopi anticua; y a specifica cu e dunado di trabao mester considera hende muhe y hende homber igual. Esaki ta importante y mas cu tur cos ta refleha explicitamente kico nos ta tolera y kico no y locual nos para p'e como un comunidad, Minister Hooyboer-Winklaar a añadi. Den tur area, den tur aspecto, nos ta wak hendenan muhe ta move padilanti, progresando diariamente den diferente ramo, nos ta bayendo den e direccion di unda nos mester ta, el a subraya. E idea ta pa uni hende muhe, tuma rienda y combati cosnan negativo na un forma pasivo, mester filtra e cosnan chikito cu ta cunsumi hende lihe y concentra riba e cosnan serio y grandi cu ta wordo ignora, Minister Hooyboer-Winklaar a bisa enfaticamente. El a menciona tambe e programa piloto exitoso, cu ta wordo expande awo pa CEDEHM, "Mi Ruman Grandi", cual ta trece hunto un mentor femenino cu un muhe hoben cu mester un poco extra guia cu trabao di scol of simplemente tin necesidad na atencion y tempo di un persona pa papia cun'e y yuda cu su guia. E minister a comenta cu ta tempo pa cria nos yiunan muhe y homber pa no distingui personanan pa factornan manera color di cuero, genero, religion ni afiliacion politico, pero como ser humano. "Nos mester cria nos yiunan y siña nan balora hende pa ken nan ta," Minister Hooyboer-Winklaar a bisa cu enfasis. Concluyendo, e mandatario a ripiti cu na final di dia encuentronan manera e Women's Day Conference no ta encuanto kita poder di ningun hende, pero ta encuanto hende muhe y hende homber siguiendo padilanti pa crea un mundo cu nos tur kier ta parti di dje.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1   

Comentarionan (1)Add Comment
lucia
March 11, 2013
201.229.83.146
Votes: +3
...

Mi tabata na e congreso aki pa prome biaha.
Y mi a keda surprendi con na Aruba nos por tene un conferencia
di tal magnitud y cu caliber halto di orador.
Nos Minister Winklaar ta grandi den tur e oradornan aki.
Mustra cu e tin hopi talento y cualidades. Mi sinti hopi orgulloso
cu Aruba tin un mandatario asina cu ta representa nos dignamente y
cu por organisa un conferencia di tal magnitud.
Y con cuanto hende a hasi acto di presencia. Pabien !!!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter