Thursday, 23 October 2014
Prome Minister Mike Eman a comparti e dolor di un pueblo na Aruba y na Venezuela Print E-mail
Sunday, 10 March 2013 20:48

front

Prome Minister Mike Eman ta un lider solidario y cu un curason grandi yen di compasion pa su prohimo. Esey a keda demostra un biaha mas den e capitulo doloroso cu siman pasa nos bisiñanan na Venezuela a biba. Un poco despues cu e noticia a drenta relaciona cu e fayecimento di Presidente di Venezuela, e mandatario Arubiano a yega na Plasa Simon Bolivar na unda e comunidad Venezolano residencia na Aruba a conglomera pa sostene otro den nan momento dificil.

Eynan Prome Minister Eman a ofrece condolencia y tambe a duna su sosten na e comunidad den e oranan dificil despues di e anuncio via medionan di prensa. Un delegacion Arubiano, hunto cu esunnan di Hulanda y Corsou, a sali diahuebs den oranan laat di anochi pa atende e actonan funebre na e pais bisiña pa su mañan. E yegada di delegacion oficial di Aruba na Venezuela a tuma luga diahuebs anochi na aeropuerto internacional di Maiquetia. Compaña pa Prome Minister di Corsou, Prome Minister Mike Eman a pasa den e protocol, cu na e ocasion aki tabatin un caracter diferente y tristo. Hunto cu Eman a biaha Minister di Finanzas y Utilidad, ing. Mike de Meza y Director di Departamento di Asuntonan di Exterior, drs. Andy Lee. Diabierna den dia e delegacion a dirigi su mes na Universidad Militar Bolivariano y kilometernan leu prome cu yega e luga, ya tabata mira e filanan largo di hende wardando oportunidad di por dispidi di nan Presidente Hugo Chavez Frias. Miyones di persona a para den solo, algun pa mas cu 12 ora, djis pa haya e oportunidad di por wak nan fayecido mandatario pa algun seconde. Hopi ta esnan cu no a logra esey, paso a stop e fluho di hende pa asina por a duna inicio na e ceremonia protocolario. Pueblo di Aruba y en special colonia Venezolano na Aruba tabata representa na e actonan aki dor di Prome Minister Mike Eman y e delegacion di Aruba. Nan a expresa nan palabranan di condolencia, pero tambe sosten na e halto mandatarionan di nos pais bisiña como tambe na e famianan di President Chavez. Esaki tabata, sin duda algun, un momento historico pa e pueblo Venezolano, pero tambe pa henter mundo si tene na cuenta e cantidad di hefe di estado cu tabata presente pa rindi homenahe na nan Presidente. Un total di 57 lider di paisnan rond mundo a duna nan respet na Hugo Rafael Chavez Frias. For di momento cu e noticia di fayecimento di e Presidente Venezolano a bira conoci, Prome Minister di Aruba Mike Eman a demostra su compasion pa e pueblo di nos pais bisiña, incluyendo e residentenan Venezolano riba nos isla. Inmediatamente el a expresa su palabra di convicencia, pesame y sosten difundi pa medionan di comunicacion local y e mesun anochi a dirigi su mes pa Plaza Simon Bolivar caminda e colonia Venezolano na Aruba a reuni pa comparti momentonan dificil. Prome Minister Mike Eman a duna e mesun sensibilidad y compasion cu tur esnan cu e tabatin contacto na Venezuela, for di oficialnan halto di gobierno, te na ciudadanonan riba caya, desconsola pa e perdida di nan idolo. Eman a tuma tempo pa bay mey mey di e pueblo wardando un chens pa bisa ayo na nan presidente. Aki Prome Minister Eman a haya un reaccion caluroso y den e dolor, idioma y nacionalidad y titulonan a disparce. E simpatia di e miles di hende para eyfo e momento ey tabata fuerte y e abrasonan tabata fuerte. Sin pensa dos biaha y lagando atras protocol y medidanan di siguridad, Prome Minister Mike Eman a consola, si no tur, por lo menos algun di e Venezolanonan cera den e dolor di acepta morto di nan president. Cu awa na wowo nan tabata sigui tur cos y e abraso di consuelo cu nan a haya e momento ey for di nos Prome Minister a yuda calma e dolor. E curason y compasion grandi di nos Prome Minister ta un caracteristica ya bon conoci pa e pueblo di Aruba, pero tambe pa varios otro pais. Nos a wak for di prome instante cu e lider a asumi mando y a sosode e lamentabel tragedia di teremoto na Haiti. Aki rapidamente a mobilisa pa duna un man y keto bay Gabinete Mike Eman ta yuda e comunidad Haitiano na e isla y na Aruba caminda cu por. Mescos, nos Prome Minister su sinti di solidaridad ta resalta unda y ki ora cu mester.

gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter