Saturday, 25 October 2014
Gobierno: Roadshow di “Europe Meets The Americas” ta cuminsa cu bishita na Panama Print E-mail
Sunday, 10 March 2013 19:35

roadshow

Den cuadro di e conferencia “Europe Meets The Americas” cu lo tuma luga na Aruba na luna di Mei pa promove nos isla como un "gateway" entre negoshinan di Europa y Latino America, partnernan di Aruba ta cuminsando dialuna cu un serie di "roadshow". E roadshownan tin como meta pa atrae companianan Latino America interesa pa haci negoshi cu companianan Europeo pa topa durante e conferencia na Aruba y explora e posibilidad nan cu nos isla y nos companianan ta ofrece como gateway y partner intermediario.

Dialuna un delegacion di Aruba, encabesa pa ARINA - Aruba Investment Agency - lo ta na Panama pa un bishita relampago, cu participacion di entre Minister di Asuntonan Economico, Asuntonan Social y Cultura Minister Michelle Hooyboer-Winklaar; Consehero di Ministerio di Asuntonan Economico, Esther Willems, Director di ARINA, Sharon Erasmus, Aruba Gateway Liaison, Sra. Marion Kappeyne van de Coppello y Senior Policy Advisor di Minister di Asuntonan General, Elvis Tjin Asjoe. ARINA hunto cu e team di KPMG di Panama, Corsou y Aruba y representantenan di e Embahada di Reino na Panama a diseña un programa hopi intensivo y productivo di dos dia. Un total di shen empresario di Panama ta invitado di e delegacion di Aruba pa bin asisti un presentacion promoviendo e vision economico "Aruba as a gateway" unda lo splica e oportunidadnan pa empresanan di Panama, interesa pa uza Aruba como un "hub" pa haci negoshi cu Europa. Expectativanan ta grandi y Reino Hulandes ta aportando cu hopi interes na e vision aki pa medio di entre otro embahadanan di Reino den e paisnan cu lo ricibi bishita di e roadshow. Embahador di Reino na Panama, e Vice-Minister di Comercio y Industria di Panama, Minister Hooyboer-Winklaar, representante di KPMG y ARINA lo hiba palabra y despues di e presentacion lo invita tur comerciante presente pa registra y participa na “Europe Meets The Americas” cu ta tuma luga na Aruba.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter