Saturday, 19 April 2014
Tropical Bottling Company kier conscientisa nos comunidad pa haci bon uzo y duna respet na nos Bandera Print E-mail
Sunday, 10 March 2013 19:33

bandera

Aruba 7 di maart 2013: Nos ta den nos luna Nacional. Aruba ta preparando grandemente pa celebra su Dia di Himno y Bandera riba dialuna 18 di maart venidero. Den cuadro di esaki Tropical Bottling Company kier conscientisa nos comunidad pa haci bon uzo y duna respet na nos simbolo nacional, esta nos Bandera cu ta uni nos como un solo pueblo. Tin un protocol stipula relaciona cu e uzo di nos bandera, y segun reglanan oficial.
Kico nos mester tene cuenta ora di hisa un bandera? Esaki ta loke protocol ta stipula.

Hisamento di bandera na un edificio

Ora di hisa un bandera na un edificio esaki mester bay segun reglanan oficial. P’esey ta hopi importante pa cada un di nos ta na altura di e reglanan internacional pa cu hisamento di e bandera nacional.
Corda cu si bo falta na e protocol aki esey ta wordo considera como mal manera y hasta un ofensa.
Tuma por ehempel hisamento di bandera na un empresa of colga un bandera den un vitrina of bentana (grafico adhunto). E bandera mester ta na e parti mas na rechts di e edificio si bo ta para cu lomba pa e edificio. Pa colga e bandera den un bentana of vitrina esaki por ta horizontal cu e strea na man robes na halto of vertical cu e strepinan na banda robes.
Ora di hisa e bandera di Hulanda, Aruba y bandera cu logo di empresa por ehempel, e secuencia di robes pa drechi (mirando e edificio) ta Hulanda, Aruba y e otro. Den caso cu ta bandera di Aruba, Curacao y un bandera di empresa of otro, anto esun di Aruba lo mester ta esun di mas na links (mirando cara pa e edificio). Den caso di bandera di Aruba y di compania of otro, esun di Aruba lo ta mas na links (mirando cara pa e edificio).
Protocol Hulanda, Aruba y Curacao ta como lo siguiente na momento di hisa bandera: di robes pa drechi mirando pa e edificio, Hulanda, Aruba, Curacao, Bonaire, St. Maarten, St. Eustatius y Saba.
Protocol di Hisa bandera Hulanda, Aruba y resto di mundo ta di particular interes pa mundo hotelero cu ta hisa mas bandera internacional usualmente. E protocol ta yama di robes pa drechi mirando pa e edificio; Hulanda, Aruba, America, Brazil, Canada, St. Domingo y Venezuela (segun alfabet ingles).
Di particular interes ta e secuencia ora ta hisa bandera di Merca, Hulanda y Aruba ora tur palo di bandera ta mes halto, pa esun di Reino Hulandes (Hulanda) ta prome, despues di Aruba y despues segun alfabet ingles e otronan, manera den e caso aki Merca. Den caso cu e palo di bandera mei mei ta mas halto, anto e ora esun di Hulanda ta ocupa e palo di bandera mei mei, esun di Aruba na man robes (mirando cara pa e edificio) y despues esun di Merca of otro pais.
Ta importante corda cu ta papia semper di robes pa drechi cara pa edificio.

Color di bandera

E color di e bandera di Aruba ta stipula den articulo 2 di eilandsverordening di 14 di maart 1977 como:

Blou – Larkspur, overeenkomstig het “British Colour dictionary of colour Standards, no. 196” ook genaamd “U.N. Blue”;
Geel – bunting yellow, no. 113 di mesun dictionario
Cora – union jack Red, no. 210 di mesun dictionario
Wit – no. 1 di mesun dictionario

Banderin na auto

Protocol ta sugeri cu 1 banderin ta suficiente. Banderin na auto mester ta semper banda di Chofer.

Bandera di Aruba uza como Pin ariba blazers:

Pa hende muhe esaki mester ser poni na su man drechi, caminda e buraco di boton ta.
Pa hende homber esaki mester ta na su man robes, caminda e buraco di boton ta.

Tropical Bottling Company ta pidi nos comunidad pa haci bon uzo di nos bandera. Keda comparti e informacion aki pa asina duna nos bandera tur honor y respet.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter