Thursday, 28 August 2014
Minister Otmar Oduber y KLM contento cu e resultadonan pa cu Aruba: Esaki a wordo expresa den reunion siman pasa na Hulanda Print E-mail
Sunday, 10 March 2013 18:54

1

Diabierna siman pasa Minister Otmar Oduber hunto cu ehecutivonan di ATA a reuni cu gerencia di KLM na Hulanda. Mester bisa cu e reunion tabata uno hopi fructifero caminda a bin dilanti con contento ambos banda ta pa cu e resultado di e loading capacity di KLM pa Aruba.

Pieter Elbers, COO di KLM hunto cu Willem de Jonge, VP Government & Industry Affairs y Koen Harbers,Senior Manager Network Planning, tabata presente na e reunion y a trese dilanti cu a pesar di e caida chikito cu tabatin for di Hulanda mes, e otro mercadonan a sa di tapa esaki y tres resultadonan positivo. A discuti riba e posibilidad pa bin cu un vuelo cu lo sali mas lat for di Amsterdam pa di e forma aki otro destinacionnan manera Alemania, Inglatera, Scandinavia y Italia por tin mihor coneccionnan pa bin Aruba. Sr. Alberts a indica cu lo bay studia e posibilidad aki pa sikiea un biaha pa siman por sali cu un vuelo bastante mas lat cu loke e ta saliendo na e momentonan aki. Minister Otmar Oduber a keda hopi satisfecho cu e resultado di e reunion aki, cual tabata uno hopi positivo caminda ambos partner a indica nan bon relacion cu otro y e resultadonan positivo cu tin.

gallery1 gallery1 gallery1
gallery1 gallery1 gallery1
gallery1   

Comentarionan (1)Add Comment
V.Tromp
March 11, 2013
77.248.71.26
Votes: +1
...

Pakiko ta KLM so mag di bula pa Aruba?
Tin mas compania di Europa cu kier bula pa Aruba anto cu un prijs mas abou cu KLM, pero KLM tin e monopolie dus no mag.smilies/angry.gif

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter