Monday, 21 April 2014
Curacao tumando pasonan necesario pa elimina aanwijzing impone pa Hulanda Print E-mail
Sunday, 10 March 2013 18:48

Jose Jardim

E aanwijzing cu Hulanda a pone riba Curacao a sufri un modificacion, minister Jose Jardim a splica den un entrevista. El a bisa cu Curacao a bai den aplelacion y a trece un cambio parcial den e aanwijzing. Pero na e momento aki keto bai tin aanwijzing y ta trahando pa cumpli cu esaki pa wak si ora nan ta cla cu tur rekisito e aanwijzing por wordo retira.

Luna pasa tabata tin miembronan di colegio di supervision cu a expresa cu ora gobierno ehecuta e pasonan poni, no bai over na kita e aanwijzing. E ultimo dos lunanan a tuma hopi paso, por ehemplo aprobacion di e presupuesto, reforma riba seguro di salud, reforma riba pension di biehez y reforma den e aspecto salarial di ambtenaarnan. E minister a splica cu tin un ley di consenso cu ta aplicable pa Curacao y Sint Maarten encuanto finanzas publico y mara na esaki tin e colegio di supervision financiero. Gobierno di Curacao ta dispuesto pa tuma tur paso necesario pa nan por sigui cumpli cu e obligacionnan financiero y e ta convenci cu loke esnan tuma e ultimo dos lunanan ta hiba nan un caminda cu e aanwijzing lo no tin efecto riba nan mas. Minister Jardim a bisa cu e no kier papa di presion di Hulanda pero di un cuadro cu ta rigi e finanzas publico di e isla cu no ta representa un riesgo of debenan excesivo pa e futuro generacion, y aunke nan debe ta relativamente abao cu ta 30% (mas abao cu standard internacional) nan mester tuma medida pa haci coreccion riba e desekilibrio cu tin, pa e quota di debe no sigui aumenta di un forma no sostenible. Nan ta bay tuma medida pa contene e gastonan di salario annual di ambtenaarnan. Tambe tin un reforma integral di henter e aparato door cu nan a bira autonomo for di 10-10-10 caminda cu tabata tin dos gobierno instala na Curacao, esun insular y esun central di Antiyas Hulandes. E minister a splica cu aunke nan tin 2 anja como pais autonomo ainda no a yega na e aparato apropia pa absorbe e realidad constitucional nobo cu ta Pais Curacao. Gobierno tin e oportunidad di traha pa logra un aparato publico mas eficiente y cu por presta servicio na e pueblo. Aworaki nan tin 3700 ambtenaar y e hecho cu a pone un stop pa tuma personal cu excepcion di cargonan unico, manera reemplaza un director, p.e, a yuda contene e gasto den salarionan di e aparato.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter