Friday, 25 April 2014
Sea bon informa: Aruba Bank ta presenta Seminario di Hipoteca cu hopi informacion valioso Print E-mail
Sunday, 10 March 2013 13:06

arubabank seminario

Diasabra dia 23 di maart, 2013, Aruba Bank ta presenta un Seminario di Hipoteca pa cliente y futuro clientenan interesa den adkiri informacion valioso tocante entre otro financiamento y aspectonan legal na momento di construccion, compra, expansion of renobacion di cas.

E preguntanan cu ta wordo contesta y solucionnan presenta ta encera tur tipo di necesidad di personanan cu ya tin un cas of ta desea di tin uno y kier mas informacion prome cu nan cuminsa e proceso di adkisicion, como tambe esunnan cu ya ta den proceso di construi of adkiri un hogar. Si bo tin pregunta tocante cua ta e miho opcion pa un hipoteca, dependiendo di bo situacion personal, si bo ta considerando pa construi of cumpra un cas of bo ta desea di refinancia bo hipoteca existente, e Seminario di Hipoteca di Aruba Bank lo provee bo cu e contestanan.

Durante e seminario expertonan den tur loke ta encera Hipoteca di Aruba Bank lo comparti informacion entre otro tocante e pasonan cu bo mester tene cuenta cune ora di aplica pa un hipoteca, como tambe e introduccion di tecnologianan di energia alternativo na bo cas. Tambe lo trata e topico; kico ta e derechonan riba e cas ora cu un pareha ta biba hunto y lo comparti conseho valioso riba con pa biba segun bo presupuesto y asina yuda nan cliente y futuro clientenan haya un idea con pa tuma decisionnan consciente y balansa nan presupuesto personal.

E Seminario di Hipoteca di Aruba Bank ta tuma luga na Renaissance Convention Center diasabra, dia 23 di maart di 9'or pa 11or di mainta y ta completamente gratis. Marca bo kalender y registra awe mes via di www.arubabank.com, via di email seminar@arubabank.com">seminar@arubabank.com of pasa registra na un di e sucursalnan di Aruba Bank.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter