Thursday, 23 October 2014
Delegacion di MEP a reuni cu Stichting Beth-Rafa na Hulanda, Ayudo na hobennan ta hopi impresionante Print E-mail
Sunday, 10 March 2013 12:55

DSC03237

Durante reunionnan interparlamentario na Hulanda e delegacion di MEP, consistiendo di lider di MEP Evelyn Wever-Croes, Xiomara Ruiz-Maduro y Ady Thijsen,  a reuni tambe cu representantenan di Stichting Beth-Rafa, sr. Godfried y sra. Lorna Wanga. Stichting Beth-Rafa ya pa 12 aña ta brinda ayudo na especialmente Arubianonan den necesidad na Hulanda.

Sr. Wanga y su señora pa 12 aña ta percura pa hobennan keda riba e bon caminda mientras nan ta na Hulanda; nan ta percura pa hobennan cu a desvia wordo yuda; nan ta percura pa famianan cu yega Hulanda wordo guia; nan ta percura pa Arubianonan cu mester di cuido especialisa na Hulanda, haya esaki cu prioridad. Sr. Wanga ta hasiendo e trabownan aki riba base voluntario pa 12 aña caba. E resultadonan di su trabow ta milagroso, y durante di e 12 añanan Stichting Beth-Rafa a yuda centenares di persona.

 

Stichting Beth-Rafa ta den proceso un tempo caba, pa pidi ayudo financiero di gobierno di Aruba, mirando cu e necesidad ta cresiendo cada dia mas, y cada dia tin hende ta yama pa pidi ayudo, pero no por wordo yuda. Lider di MEP Evelyn Wever-Croes den nomber di MEP a enfatisa cu MEP ta sostene e iniciativa aki pasobra ta bisto con valioso Stichting Beth-Rafa su trabow ta y con necesario e continuacion di Stichting Beth-Rafa ta.

 

“Nos a combersa cu tres hoben tambe cu ta bow encargo di sr. Wanga y su señora, y e combersacion tawata hopi agradabel. E hobennan ta hopi agradesido pa e ayudo y sosten cu nan ta haya di e Stichting. Awor nan ta bayendo bon den nan studio, nan ta optimista y nan tin un meta nan dilanti. Y manera nan tin hopi mas. Sr. Wanga y su señora a brinda tambe ayudo na hopi famia Arubiano, nan trabow ta realmente un trabow di Dios. Mi no por compronde con sr. Wanga por a hasi tur esaki pa tanto tempo, sin sosten financiero. Nos yiunan ta tur cos pa nos den bida, y si un desvia di e caminda, nos mester gradisi Dios cu tin hendenan manera sr. y sra. Wanga, pa yuda nos trese nan bek riba e bon caminda. Nos mester yuda sr. Wanga pa por continua cu e trabow”, segun lider di MEP, Evelyn Wever-Croes.

 
 

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter