Saturday, 20 December 2014
PDR: Vigilancia Civil ta un solucion pa combati criminalidad Print E-mail
Sunday, 10 March 2013 11:26
Comparti

IMG-20130308-00005
A base di e presupuesto alternativo di PDR di aňa 2012, Parlamento di Aruba a bay di acuerdo pa reserva un suma di 75 mil florin pa introduci e sistema di Vigilancia Civil, na Hulanda conoci como “burgernet” (www.burgernet.nl). Burgernet ta un sistema di Vigilancia Civil caminda ta invita ciudadanonan pa registra como voluntario pa yuda polis ora cu un crimen wordo cometi.

E ciudadano ta wordo alerta via su telefon (bbpin, email, whatsapp of sms) asina cu un crimen wordo reporta (por ehempel un robo di auto of atraco caminda persecusion ta den ful swing), e ta wordo duna informacion ribe e crimen (por ehempel e color y marca di auto, signalement di e sospechoso etc.) y e ta wordo pidi pa tira un bista unda e sospechoso(nan) ta. Un dimencion adicional di un sistema similar na Merca ("Crime Alert") ta cu ta duna recompensa na esun cu duna un "golden tip" cual hiba na aresto di e sospechoso(nan).
No obstante cu Parlamento a reserva dus fondonan pa introduci e sistema menciona na Aruba ja for di maart 2012, e minister di Husticia actual ta drumi den lus berde y no ta moviendo riba e tema aki. Constatando esey Andin Bikker a dicidi di move di su banda y durante su bishita actual na Hulanda a pidi un par di miembro di Tweede Kamer si nan por a intermedia pa e por a haya un encuentro cu esnan encarga cu e implementacion di Burgernet. Esaki a tuma lugar diaberna ultimo caminda Andin a haya un presentacion amplio di con e sistema Burgernet ta funcionando na e municipionan na Hulanda. E funcionarionan encarga a keda hopi contento di tende cu tin interes pa introduci e sistema na Aruba tambe. Nan a splica cu e sistema ta un exito rotundo na Hulanda y Andin por a constata cu e ta costa relativamente poco pa implementa. Tambe nan a expresa di ta disponibel pa duna asistencia caminda ta den nan alcanse y a desea Andin tur clase di exito cu su iniciativa y esfuersonan continuo pa introduci e sistema di Vigilancia Civil na Aruba.

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter