Friday, 01 August 2014
Dos hoben Arubano studiando pa bira sacerdote Print E-mail
Saturday, 09 March 2013 13:17

Mgr Luis Secco 2 Medium

Den entrevista cu mgr. Luis Secco, el a wordo puntra ki plan Iglesia Catolico tin pa aumenta e cantidad di sacerdotenan pa contraresta e scarcedad cu tin. Mgr. Secco a splica cu tin loke nan ta yama e plan vacacional di nos diosesis di Willemstad, y nan ta trahando riba algun hoben pa cada pastor di parokia, cu su deseo di forma laiconan hoben, den gruponan di oracion, gruponan apostolico, movimentonan, danki Dios tin alugun hoben cu ta studiando pa bira sacerdote.

Tin di nan na Curacao, Colombia y Hulanda, y por bisa cu tin un perspectiva y mgr. Secco a haya e proyecto cu yama e caminda neocatecumenal, y a habri un seminario na Curacao, caminda cu tin 14 hoben awor, cu dos sacerdote cu ta un rector y un vicerector. E 14 hobennan aki ta bin di diferente parti di mundo, y nan ta studiando nan filosofia, teologia, y cu Dios su poder nan lo bira sacerdote. Mgr. Luis Secco a bisa cu semper bay nan ta bisa cu Dios permiti esey pasobra podise cu algun no ta yega te na final. Na Aruba e ta spera di tin algun candidato tambe. Aworaki tin dos candidato y un di nan a cuminza y ta na Curacao, y otro ta studiando na Colombia pa sigui su vocacion. Obispo Secco a splica cu na Aruba den parokia di Santa Cruz tin un hoben Venezolano di Maracaibo cu pronto lo wordo ordena como diacono, y despues e lo bira sacerdote. Mgr. Secco ta kere cu e anja aki e por wordo ordena como diacono y hasta como presbitero na Santa Cruz. El a compronde tambe cu pastor Jairo a traha contactonan na Caracas, unda cu e mes a studia y a traha como Capellan den e ehercito pa algun anja, y e tin contacto cu seminaristanan di Caracas y un hoben di Caracas tambe por bin duna un man na Aruba, pa yena e bashi pero nos mes traha pa nos mes vocacionnan. Mgr. Luis Secco a bisa cu nos mester reza pidi Dios pa algun famia na Aruba, Curacao, Bonaire y Isla Ariba por ofrece un hoben pa bira sacerdote, pero e problema ta cu nos famianan ta chikito y nan yiunan ta studia careranan pa nan ta eficiente den nan famia, y e reto pa bira sacerdote semper ta uno cu tin di haber cu fe, amor pa Jesucristo y amor pa nos pueblo. Nan ta studia pa docter, enfermero of pa trahador social, pero Senjor tambe ta lanta vocacionnan pa bira sacerdote y religioso. Tambe mester di mucha muher cu kier sigui e caminda religioso y danki Dios Aruba tin dos hoben cu a bira soeur caba, na Monasterio Mama di Dios na Curacao y otro hoben cu a drenta algun anja pasa y cu ta den su fase di noviciado, y ken ta di Santa Cruz. Obispo Secco a bisa cu e ta contento cu poco poco ta surgiendo vocacion na Aruba y den nos obispado.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter