Wednesday, 17 September 2014
Mgr.secco ta splica riba formacion di diacononan debi na scarcedad di sacerdotenan cu nos tin Print E-mail
Saturday, 09 March 2013 13:14

Mgr Luis Secco 3 Medium

Den un entrevista cu Mgr. Luis Secco, el a wordo mustra cu na Aruba tin tres Kapel den area habita, cu e habitantenan concerni ta desea pa nan bira parokia. Mrg. Secco a splica cu na Aruba tin un preocupacion pasobra e populacion a crece e ultimo 30 anjanan, y e parokianan di Aruba mester di mas yudanza, sea di mas Pastor cu por haya of manda busca mas Pastor.

Mgr.Secco a papia cu e pastornan, tambe durante e tempo di e padernan Dominico y tambe esnan encarga cu e capelnan di Tanki Leendert, Monte Calvario y Madiki, tambe ta interesa den e posibilidad di forma parokianan. Obispo Luis Secco a splica cu tanten nan ta prefera di mantene e parokianan di Santa Anna na Noord, cual pastor tambe ta atende e Capel di Monte Calvario y e bon funcionamento di e Capel di Madiki pa medio di e Padernan di Parokia di San Francisco na Playa, y esaki ta bay basta bon. El a bisa cu si tin un dificultad por ehemplo pasobra Pastor Stanlislao di Misa di San Francisco a keda su so, y pa atende tur e misanan den weekend e ta basta pisa. Pero como cu nan ta un congregacion religioso San Miguel Arcangel, cu nan ta yudando bon na Curacao y na Aruba, manera Pader Daniel hunto cu Pader Santiago, Stanlislao y awor Pader Janga na Noord, nan tur ta forma un grupo di sacerdotenan di e Congregacion di San Miguel Arcangel, nan por yuda otro y nan ta haciendo un bon trabao. Mgr. Secco a splica cu pa forma mas parokia no tin un decision ainda, pero si tin e posibilidad di un sacerdote cu kier yuda den nos isla, e formacion di un otro parokia lo ta posible. El a splica cu tin scarcedad di sacerdote pa atende tur parokia. Na Curacao tin tres parokia sin sacerdote fiho. Na Misa Santa Maria aworaki no tin sacerdote, pero esun di Buena Vista of e sacerdote di Don Bosco Salesiano ta yuda e parokia di Santa Maria; Tera Cora ta yuda Willybordus cu tin un bunita Misa di style Gotic cu tur hende ta aprecia, y hopi bishita pa turistanan specialmente Hulandes. Tambe e Misa di Koraal Specht y Misa Cristo Bon Wardador, cu tampoco tin sacerdote, y un ta yuda otro. Esaki ta un realidad cu ta sosode rond mundo, segun Mgr. Luis Secco. Den paisnan di Europa manera Hulanda y Italia mes, unda cu mgr. Secco ta bay cu vacacion bishita su famia, den su parokia mes no tin pastor fiho y un pastor di otro parokia ta bin yuda. Esaki ta loke nan ta yama union pastoral. Mgr, Secco ta haya cu Aruba ta prioridad pasobra no tin mucho parokia. Mientras cu Curacao tin 24 Aruba tin 9 so. E ora ey por pensa riba un ampliacion pero mester pensa den mas sacerdote si kier pa cada parokia tin su pastor, locual ta un proyecto maraviyoso pero cu no por pensa cu esaki por bira un realidad sino cu cada sacerdote tin su trabao pastoral na diferente parokia. Esaki ta un reto grandi cu ta obliga e Iglesia pa traha cu laiconan, y tambe a pensa algun anja pasa riba diacononan permanente, cu ta otro proyecto cu tin y cu finalmente e ta kere cu ta bay cuminza cu formacion di diacononan adulto, casa, tatanan di famia cu realmente kier dedica nan tempo na e servicio di Iglesia y esaki ta un yudanza cu por sosode den futuro.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter