|
Homenahe na Presidente Hugo Chavez Frias cu 57 lider di estado |
 |
 |
|
Friday, 08 March 2013 21:10 |
|
Tabata un momento hopi special pa e pueblo Venezolano. Basta tabata e cantidad di lider di estado cu a bin pa asina forma parti di e homenahe na e presidente cu a fayece diamars ultimo. Por a mira cu aunke sa tin diferencia politico hopi ta e paisnan cu tin un admiracion pa Hugo Rafael Chavez Frias. For di diahuebs hopi presidente y minister presidente a yega.
Un total di 57 tabata presente na e occasion aki. Diabierna mainta cada lider di estado tabata yega na e Universidad Militar Bolivariana de Venezuela unda a duna palabranan di forza na e famianan y demas mandatarionan Venezolano. Ainda Hugo Chavez lo keda 7 dia mesun caminda pa asina e pueblo por bise ayo. Di Aruba tabata tey prome minister Mike Eman, Minister Mike de Meza y tambe drs Andy Lee director di e departamento di relacionnan di exterior. Tambe Daniel Hodge premier di Curacao tabata hunto cu e delegacion cu tabata tin presencia tambe di un mandatario Hulandes Hans van den Broek.
 |
Mustra/Kita e formulario di comentario
