Friday, 25 July 2014
Tropical Bottling Company ta anuncia nos artistanan cu lo participa durante concierto nacional riba diadomingo 17 di Maart Print E-mail
Friday, 08 March 2013 14:07
DSC_2063
Manera ya caba a ser anuncia, den cuadro Dia di Himno y Bandera, lo tin un celebracion hopi grandi mes y pa esaki a diseña un calendario cu tur actividad pa e fin di siman previo na dia 18 di Maart proximo. 

E celebracion aki lo inclui actividadnan cultural, musical, social y deportivo entre e dianan 15 y 18 di Maart.   Relaciona cu e gran concierto cu lo tuma luga riba diadomingo 17 di maart ariba Plaza Betico Croes, previo na e evento lo tin diferente tent cu benta di cuminda, tambe bebida, artesania, obra di man di nos artistanan local. P’ e anochi aki, Comision Celebracion Dianan Nacional (CCDN) a cera un 'joint venture' cu Tropical Bottling Company, kende ta agencia di refresconan Coca Cola, Sprite y di diferente color Tropical, Malta Balashi y cerbesnan Balashi y Chill. Cu tur esaki nos compania nacional lo ta presente ariba Plaza Betico cu tur su productonan apoyando nos talento local y sigur promoviendo nos cultura. Vanessa Hollander, Gerente di Mercadeo di e compania a laga sa cu nan ta hopi orguyoso di por ta forma parti di e celebracion aki ya cu esaki ta caminda Aruba henter por disfruta di dje. Alabes, Hollander a laga sa cu pa e magno concierto aki lo tin un gran cantidad di artistanan local y e kier participa kendenan lo ta ariba escenario: 
- Thais Franken (soprano), Solaica Clarinda (mezzo soprano) y Felix Rojas (compositor) cu e cantica "Cu gradicimento", cual ta un danza. Areglo musical pa e orkesta ta di Carlos Bislip. 
- Angelo Koolman cu e cantica "O ki mainta mas bunita (wals). Hunto cu Richard Dabian y Mirto Tromp, Angelo lo interpreta e cantica aki cu ta un composicion di Rufo Odor cu letra di Ernesto Rosenstand. Areglista Frankil Granadillo. 
- Nicole de Kort, Gisela Trimon y Mireille Sint Jago cu e cantica "Ayera, Pakico y Fo'I dia m'a mirabo (bolero). E tres cantantenan aki lo canta tres composicion di Padu Lampe, cu areglonan di Franklin Granadillo. 
-  Trio Los Arubeños, forma pa e guitarista y cantantenan Reynaldo Lampe, Fortunato Werleman y Mario Croes.  Cu acompañamento di e gran orkestanan lo canta pa boso e wals  'Naturaleza'. E areglo ta di Ivan Quandus. 
- Bertha Wolff y Ailene Croes lo interpreta un chachacha. E rumannan lo canta un composicion di Ailene, ‘Forsa di amor’, cu un areglo di Federico Martis. 
- Dorothy Lacle y Mirto Tromp. Nan lo canta e dos composicionnan ‘Den brisanan di atardi’, ‘Den bo brasanan fuerte’, un bolero, di Rufo Odor cu letra di Ernesto Rosenstand, cu areglo pa orkesta ta di Ivan Quandus. 
- Vicky Arends, Veloushla Krozendijk y Richard Dabian. Vicky lo canta e tumba ‘Boca di Tribon’ un composicion di Padu Lampe. Veloushka lo canta un composicion di Bernadina Growell ‘Cos dushi’, un tambu y Richard Dabian, e cantica cu e ta interpreta ta  e tumba ‘Jaloers. Un composicion di Lilia Luidens. Areglo di e canticanan aki ta di Federico Martis. 
- Gabriela Krosendijk lo interpreta e bunita bolero ’Pakico’, componi pa su tata Don Ramon Krosendijk, cu areglo di Delbert Bernabela. 
- Jelitza Croes y Michelangelo Koolman. Hunto nan lo trece pa boso un composicion di Angelo mes ‘Bida ‘n ta largo, un fusion di danza. Su areglista ta Ivan Quandus. 
- Rachel Kraaijvanger lo tin su participacion cu e  cantica ‘Amanece’ di Maybelline Arends cu areglo di Delbert Bernabela. 
- Edjean Semeleer lo canta un clasico di Don Ramon Krosendijk, e bunita wals ‘Cunucu di Seit’, cu areglo di Delbert Bernabela. 
- Robert Maduro lo canta su composicion conoci ‘Mi cultura tin un co’,  cu areglo di Federico Martis. E coro ta forma pa Rachel, Veloushka y Richard. 
- Casin Giel lo interpreta su composicion ‘Mi sa’, un bolero cu areglo di Franklin Granadillo. 
- Jossy Brokke Jr. lo canta su propio composicion, Juan del diablo, cu areglo di Franklin Granadillo. 
- Sharon Rose lo canta un composicion di Toti Arends cu letra di Hubert Booi, e wals ‘Mi mester di bo’. E areglo ta di Franklin Granadillo. 
- Jack Tromp lo bay canta un composicion di su mes, e wals ‘Kico a pasa’, cu areglo di Franklin Granadillo. 
- Ted Philips lo interpreta un composicion di Padu Lampe, ‘Mi n’ sa’, hinca den un bachi nobo, un calypso. E areglo ta di Franklin Granadillo. 
- Robert Jeand’or lo interpreta e cantica "Mi soño, cual ta un merengue cu areglo di Franklin Granadillo.

    Sigur e anochi aki lo ta uno tremendo y cu un variacion musical nunca antes bisto. Ta p’esey cu Tropical Bottling Company hunto cu CCDN un biaha mas ta extende un invitacion na nos pueblo en general pa participa na e actividadnan di nos luna nacional y di e magno concierto aki ariba Plaza Libertador (Betico) Croes na Vondellaan, riba diadomingo 17 di Maart venidero.

dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter