Wednesday, 23 April 2014
Parlamentario Sneek impresiona cu calidad di servicio na hospital na Deventer Print E-mail
Tuesday, 05 March 2013 23:09

sneek

Pa Parlamentario Marlon Sneek, e reunionnan cu ta tumando luga na Hulanda entre delegacion di e diferente Parlamentonan di Reino, ta mustra di lo ta un exito grandi, si mira e discusionnan intenso y profundo di e prome dia, riba aspectonan cu ta regarda tur pais y con nan por coopera cu otro. Riba e agenda tambe ta poni bishita na instancianan cu tin di haber cu e temanan cu ta wordo discuti door di e Parlamentarionan.

Dialuna nan tabatin nan prome bishita di trabou na un hospital na Deventer caminda a cera conoci cu e sistema di operacion di dicho instituto, y a haya un bista e diferente servicio cu ta wordo brinda y con ta atende cu e clientenan. A wak con e specialistanan ta traha cu otro den team pa logra yega na un miho diagnostico pa e pashent. Pero loke a hala su atencion ta pa mira e funcionamento di e seccion di Prome Auxilio (of Emergencia), unda un enfermero ta atende cu e pashent asina cu e yegada y basa riba kehonan cu e tin, e ta wordo informa cuanto lo dura prome cu e wordo atendi pa un dokter, un servicio hopi social cu ta haya bon reaccion cerca e pashent. E hospital aki a gana un premio na 2011 como un di e hospitalnan cu miho servicio dirigi riba e pashent. E reunionnan mes a cuminsa oficialmente diamars, y esaki a encera un bishita na Eerste Kamer, sigui pa reunionnan cu Tweede Kamer y atardi a topa cu Prome Minister Rutte di Hulanda. Sneek ta masha satisfecho con e reunion di e prome dia a bay, pero mas e discusionnan intenso cu tabatin riba financiamento di estudio, y e problema cu hopi studiante tin pa paga e debe aki bek door di e conversion di florin pa Euro. A papia cu Gobiernonan mester soluciona e problema pasobra den futuro, cu e cambio cu Hulanda kier bini cune, lo no bay tin beca mas sino solamente prestamo pa estudio, cu lo bira un peso extra pa e hoben profesionalnan. Prome Rutte a informa cu den luna di mei e lo ta encabesa un mision comercial pa Aruba, unda cu tin un encuentro grandi, y e ta haci esaki pa duna contenido na e vision di Prome Minister Eman cu trahando hunto den Reino lo por logra hopi mas pa tur partner. Principal e brug cu kier forma entre e continente Americano y esun Europeo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter