Monday, 20 October 2014
Drs. Marisol Lopez Tromp: Preocupa cu Hulanda kier kita beca y hacie completamente un prestamo pa estudio Print E-mail
Tuesday, 05 March 2013 23:03

front

Drs. Marisol Lopez Tromp, miembro independiente di Parlamento di Aruba, den e delegacion tabata esun specialisa den asuntonan di enseñansa, mirando cu e ta presidi e comision di e ramo aki den Parlamento. E reunion di e Parlamentonan di Reino na Hulanda, a habri cu un tema importante di Enseñansa, specificamente debe di estudio, segun sra. Marisol Lopez Tromp a duna di conoce.

“No ta prome bes cu e topico aki di studiantenan ta riba agenda. Pero e tabata specificamente con por bay mehora e debe di estudio di studiantenan di e paisnan di Caribe na Hulanda.” No ta desconoci cu studiantenan Arubiano, despues cu nan gradua, tin dificultad pa paga nan debe bek. A discuti e asunto di “wanbetalers” kendenan pa cierto motibo no por paga na tempo bek, pasobra e situacion ta hopi duro awendia. Di otro banda, e Parlamentario a splica, a discuti hopi tambe e hecho cu Hulanda den su Acuerdo di Gobernacion cu na 2014 lo kita e beca basico y lo pone den un stelsel no mucho social. Esaki ta encera cu no ta bay haya cierto suma pornada mas sino e ta bira por completo un fiansa. Esaki ta encera cu pa e studiantenan di Caribe e ta bira mas dificil pa sigui cu un estudio na Hulanda, ya cu nan debe lo bira astronomicamente halto y pa nan paga bek. A discuti esaki cu tur isla ta desea pa e studiantenan bolbe y duna un aporte na nan pais pero haciendo e debe aki mas grandi, ta haci cu nan lo prefera di keda Europa y haya mas placa pa paga e debe. A sugeri pa laga e diferente Gobiernonan den Reino, por medio di e Ministernan di Enseñansa, pa tuma accion prome cu e ley aki wordo manda pa Eerste Kamer, sinta cu e diferente gobernantenan riba e parti cu ta bay cambia, y tene cuenta cu e implicacion cu esaki tin riba e studiantenan di Reino di Caribe. Esaki no ta kita afo cu e prome responsabilidad pa e studiantenan ta keda e Gobierno di nan pais y mester pensa si ta inverti mas den enseñansa of cambia e formula actual. Mester evita, e Parlamentario ta bisa, cu e studiantenan ta keda sin bay studia afo pasobra e debe ta bira mucho grandi. Parlamentario Lopez Tromp ta kere cu un otro opcion ta pa e hobennan di Aruba bay studia mas den region. Den un caso asina, mester tene cuenta cu e diferente scolnan cu ta wordo reconoci, nan acreditacion pa ora e studiantenan bolbe, e diploma ta valido. E ta haya cu e parti di enseñansa a bay hopi bon. Diaranson lo tin tambe e tema di Hubentud, cual Aruba lo ta e trekker di e tema aki tambe. Lo duna un presentacion di e hobennan y con por traha hunto den Reino. Diamars entre e reunionnan, e delegacionnan a realisa un bishita na Prome Minister Rutte, kende a logra combersa cu diferente di e delegadonan, a intercambia di opinion riba diferente topico. Diaranson, ademas di e reunion riba e.o. salubridad, lo bay bishita un instancia di e sector aki tambe.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter