Tuesday, 23 December 2014
Prome Minister Eman: Mester duna Chavez su merito Print E-mail
Tuesday, 05 March 2013 23:02
Comparti

eman chahvez

“Pa nos e noticia di fayecimento di Presidente Chavez ta bini cu hopi emocion pasobra e ta un presidente cu a conmove e pueblo Venezolano hopi mes. Un persona cu por a crea un enfoke sumamente grandi, no solamente na Venezuela pero na rond mundo, riba e necesidad di esnan di menos recurso den su pais.

Pero tambe cu gobernacionnan mester percura pa esnan cu ta biba den e margennan mas complica (socialmente), Presidente Chavez a duna mundo ehempel di programanan cu el a crea na su propio pais y e doctrina cu el a crea internacionalmente, lo keda pa semper e forma pa cual mundo lo corda e Presidente aki.” Asina Prome Minister a cuminsa duna su reaccion despues cu Nicolas Maduro, vice Presidente di Venezuela, a anuncia cu nan Comandante Chavez a fayece den oranan di atardi. Eman a splica cu por tin discusion y diferencia di opinion riba e plataforma cu el a hiba e tipo di politica aki, pero no tin duda cu e merito, amor y aprecio cu el a planta den curason di su ciudadanonan y den curason di humanidad (politica social), lo keda marca den historia. Mescos cu otro paisnan, Aruba tambe, el a bisa a sigui e ultimo lunanan e salud di Presidente Hugo Chavez. A combersa cu Consul General di Venezuela na Aruba, for di kende tabata tende di e retonan cu Presidente Chavez ta pasando aden. Pa hopi tempo a teme e noticia, cu finalmente a yega diamars atardi, pero a keda cu speransa di un recuperacion door di remedinan nobo. Inclusive tabatin remedinan cu a wordo manda for di Hulanda a keda di wordo uza riba Chavez. “E tabata un malesa hopi duro cu Presidente Chavez a lucha cune cu balentia. Nos a mira e proceso electoral unda el a cana den tur bario pa inspira su pueblo cu e ultimo energia cu e tabatin, pesey toch ta un bashi grandi cu e lo laga atras.” E lo wordo recorda sigur como un Presidente cu a recorda mundo di e realidadnan social cu ta existi rond mundo. E mandatario a admiti cu el a haya cierto inspiracion di Presidente Chavez (pa su dedicacion na e gruponan aki) den e situacion margina di un grupo grandi cu el a topa na Aruba na momento cu el a drenta Gobernacion. Eman ta kere cu no ta importa e diferencianan politico cu por tin na Venezuela y otro partinan di mundo, pa e coriente politica cu el a para p’e, pero e forma cu el a dedica su energia pa purba di trece e recuperacion social pa esnan di menos recurso, ta keda un admiracion grandi rond mundo. “Mundo ta sinti perdida di un lider cu a pone accento hopi special riba un parti den nos mundo, cu hopi bes ta wordo lubida. Pa e trabou grandi aki, di crea mas consciencia y compromiso cu esnan den mas necesidad na mundo, mi ta kere cu nos tur mester para keto y duna merito na e bida cu Presidente Chavez a hiba. Y laga un banda e diferencianan politico cu por tabatin, ... ban duna merito pa su esfuersonan cu el a haci ... CU Dios duna famia di e Presidente y e pueblo di Venezuela hopi forsa ...”

gallery1 gallery1 gallery1
gallery1 gallery1  
eman chahvez
cha eman2
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter