Thursday, 27 November 2014
Evelyn Wever-Croes a informa parlamentarionan tocante situacion financiero na Aruba Print E-mail
Tuesday, 05 March 2013 21:03
Comparti

1

Durante e reunionnan interparlamentario na Hulanda delegacion di MEP a entrega e nota "Feestvierend ten ondergaan" na e parlamentarionan. E nota ta contene un analisis financiero di nos pais over di e ultimo 18 anja, y ta mustra unda nos ta para awor. Na fin di 2012, e average di e deficit relaciona cu GDP a bira 5.5%, mientras cu Hulanda ta luchando pa baha esaki te na 3.3%.

E quota di nos debe nacional relaciona cu GDP ta 57%, sin tene cuenta cu tur e compromisonan off balance. Esaki ta wordo analisa den e nota, y intencion di e nota ta pa cuminsa cu un discusion nacional tocante futuro financiero di nos pais. "Importante den e reunionnan interparlamentario ta pa tur politico ta bon informa. E nota aki ta basa riba cifranan di Banco Central, pues nan ta confiable. Nos oponentenan ta bastante nervioso y pesey a menasa nos na Aruba caba di lo silencia nos. Pero esey nan lo no logra hamas. Durante e reunionnan mi a presenta e nota na varios representante di pueblo di tur e paisnan den Reino. Mayan mi lo entrega e nota na e demas representantenan. Mi mester bisa cu e nota a cai den masha bon tera serca nan tur. Algun mes tabata asercami pa pidimi e nota. Nos a haya hopi compliment pa e nota, especialmente pa su contenido, pero tambe pa su intencion, pasobra basicamente aki oposicion ta tuma e rol over di gobierno pa informa tocante finansas publico. Y ningun parlamentario di AVP a logra silencia nos den esaki. Nan tabata cana rond nervioso y tira palabra, pero esey no ta spanta ningun hende. Nos mision ta pa informa tur esnan cu ta kere cu e situacion financiero di Aruba ta bon, cu esaki no ta asina, y esaki a cai den masha bon tera serca e politiconan aki na Hulanda", segun lider di MEP Evelyn Wever-Croes.

gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter