Wednesday, 22 October 2014
Prome Minister Eman: Cu CREF Aruba ta haya un otro partner importante den mundo Print E-mail
Tuesday, 05 March 2013 20:55

mike energy

Den presencia di CEO di CREF Matthew Perks Prome Minister Mike Eman hunto cu Minister de Meza y director di Utilities Frank Hoevertsz a anuncia cu e aña aki Aruba ta co-anfitrion di CREF 2013. Despues di tres aña exitoso di e conferencia riba energia alternativo “Green Aruba” cu ta un evento diseña pa showcase oportunidadnan pa inversionistanan pa Aruba, e aña aki CREF den un partnership cu Aruba ta tene su conferencia aki nan.

CREF cu ya ta existi 5 aña y ta creciendo rapidamente birando e encuentro anual mas grandi di senior stakeholders ta enfoca riba esfuersonan pa diversificacion di energia den Caribe. CREF 2012 a tuma luga na Puerto Rico y tabatin un atendencia di riba 400 delegado di 40 pais. Prome Minister Eman “Durante e ultimo tres añanan Aruba a organisa e ‘exitoso Green Aruba Conference’. Tur aña participante y oradornan ta bin hunto aki pa haci e compromiso pa yega na mas sostenibilidad na Aruba”. Eman a bisa cu ta cu masha placer y orguyo e ta reconoce e crecemento y exito di e conferencianan di Green Aruba. “E desaroyonan riba energia berde na Aruba no a pasa bay sin mas. Mundo hopi bes a yega di bin Aruba den forma di diferente personalidad, organisacion y institucionnan. Un di e institucionnan aki ta CREF, cu ta organisa conferencianan riba energia renobabel den Caribe. Awe e CEO di CREF ta na Aruba y hunto cu Matthews Perks nos ta anuncia cu Aruba a haya un otro partner importante den mundo”. Eman a bisa cu durante e ultimo tres añanan por a mira varios institucion y organisacion cu a cera un partnership cu Aruba. Un di e prome nan ta Vice Presidente Al Gore, kende tabata e orador principal ora a start e prome Green Aruba Conference. Hopi mas a sigui. TNO a establece su mes aki na Aruba, Carbon War Room a cera un partnership cu Aruba y awor cu CREF abordo ta un otro momento di progreso y compromiso pa sigui desaroya energia renobabel y un desaroyo di sostenibilidad. “E aña aki, Aruba hunto cu CREF ta organisa e Green Conference Aruba”. E plan ambicioso di Aruba pa ta 100% sostenibel na 2020 a bin dor di compromisonan haci na Rio aña pasa. Na e momentonan aki 20% di Aruba su energia ta wordo genera di fuentenan renobabel. E partnership cu Aruba a cera aña pasa cu Carbon War Room di Sir Richard Branson ta completamente enfoca riba un durabilidad di 100%. E iniciativa aki ta pidi pa un cambio, no solamente den e forma con ta genera energia, pero tambe riba su destinacion y con e ta wordo conserva frente un cantidad di factornan esencial, for di transporte te pa turismo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter