Thursday, 27 November 2014
Minister di Defensa Hulandes sra. Hennis-Plasschaert: Hulanda ta hopi contento cu Aruba Print E-mail
Tuesday, 05 March 2013 20:11
Comparti

front

Dialuna merdia e bishita di Minister di Defensa di Hulanda, sra. Jeanine Hennis-Plasschaert a cuminsa oficialmente na Aruba. Su prome encuentro tabata cu Gobernador Fredis Refunjol, durante cual el a wordo compaña pa un delegacion chikito, di entre otro representantenan di Marinierskazerne. E mandatario Hulandes ta un persona hopi amabel y tabata visto cu el a pone su mes na altura di loke ta pasando na Aruba, prome cu el a yega e isla.

Minister Hennis-Plasschaert ta riba un bishita di trabou den e partinan di Reino den Caribe pa cera conoci cu personahenan halto di Gobernacion. “Hulanda ta masha contento cu Aruba, esaki ta loke sigur mi por bisa,” e mandatario Hulandes a expresa den un encuentro breve cu e tabatin cu Prome Minister di Aruba Mike Eman. E mandatario a splik’e di programa piloto cu lo bay cuminsa cune den cooperacion cu autoridadnan Hulandes, entre otro Marechaussee, instalando un seccion na aeropuerto parecido na e pre-clearance Mericano. “Esaki ta nifica cu tur e controlnan necesario riba persona y ekipahe ta wordo haci aki na Aruba door di autoridadnan Hulandes pa ora cu e pasaheronan yega Hulanda, ta simplemente recoge nan maleta y bandona aeropuerto,” Prome Minister Eman a indica. E splicacion aki a hala atencion di Minister Hennis-Plasschaert, kende a haya e desaroyo aki uno masha interesante. Probablemente, asina el a wordo informa, e programa piloto aki ta wordo implementa den e ultimo cuater lunanan di 2013. Na final di e combersacion Prome Minister Eman a haci entrega di regalo y entre nan tabatin diferente buki di Aruba, di cual uno tabata di e bishita Real na 2010, cu e mandatario a ricibi cu masha humildad. Minister Hennis-Plasschaert a wordo splica un poco di e plannan di Aruba pa hiba principalmente e turista crucero te na final di caya, enbes cu nan ta keda den e mallnan so. “Pa esaki nos a bini cu e idea pa hinca den e proyecto di renobacion 4 tram cu ta wordo uza pa transporta e bishitantenan di centro. Pero nos kier pa bo mire personalmente, pa cual nos ta invitabo pa un trip den e tram,” e mandatario a bisa su colega Hulandes na final di e encuentro. Den e expo-hall den caya grandi Minister Hennis-Plasschaert a haya un splicacion di tur e plannan, e por a mira kico ta bay haci cu renobacion di barionan, con esakinan tabata y con e lo bira. A duna e ehempel di e situacion bieu y con, p.e., Juwana Morto Complex a keda. “Prachtig, heel prachtig,” tabata e reaccion di e mandatario, kende awe lo ta bishitando Marinierskazerne na Savaneta.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter