Friday, 31 October 2014
Adi Maduro director di Aviacion Civil: Esaki ta e deber cu e departamento y su personal tin cu e pais Print E-mail
Tuesday, 05 March 2013 20:11

Aviacion adimaduro

Den un combersacion cu sr. Adi Maduro, director di Departamento di Aviacion, el a expresa di ta masha contento cu e trabou cu e departamento y su personal ta desplegando. Mas ainda pasobra e ta kere cu DAC di Aruba ta un ehempel pa e region. “Hopi tin di haber tambe cu e apoyo cu ta ricibi di e minister encarga,” el a duna di conoce.

E declaracion aki Maduro a duna durante un ceremonia den cual, e funcionarionan di Direccion di Aviacion Civil a ricibi nan Landsbesluit den cual nan trabou ta wordo reconoci. El a splica cu durante un bishita di ICAO, a haya sugerencia pa haci algun cambio den DAC y “Aruba semper a sigui conseho di esnan cu sa mas cu nos. Ta pesey nos tey unda cu nos ta awe.” Y el a bisa cu e ta sinti su mes yena di orguyo di bisa cu DAC di Aruba no solamente ta un ehempel den region “pero cu mas orguyo mi ta bisa cu e ta un ehempel den Reino Hulandes.” Tur esaki e ta bisa ta danki na e Minister y tur esnan cu ta traha den e departamento. El a enfatisa cu e reorganisacion den e departamento tabata pa garantisa Gobierno y pueblo di Aruba cu nan ta traha y lo sigui traha pa keda e miho. Esaki ta e deber cu e departamento y su personal tin cu e pais. Pesey el a sigura e Minister cu e por tin e garantia cu tur hende ta traha pa Aruba. Na final el a recorda e personal cu e landsbesluit ta sinti dushi den cartera, pero e ta bin cu un responsabilidad pa e pais. El a gradici tambe Gobierno y Minister Otmar Oduber pa reconoce trabou di e personal di DAC.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter