Friday, 19 December 2014
Departamento di control di trafico aereo tambe lo pasa den evaluacion Print E-mail
Tuesday, 05 March 2013 20:06
Comparti

Aviacion control

Durante e encuentro cu e empleadonan di e departamento di Aviacion Civil relaciona cu Landsbesluitnan, a puntra minister Otmar Oduber pa splica con e tabata cana antes y kico ta e diferencia awendia, pa cu promocion y landsbesluit manera den e caso di e Departamento di Aviacion Civil. E mandatario a splica cu e modelo pa Directie Luchtvaart ta un tiki peculiar compara cu resto di gobierno.

Esaki ta un forma nobo di schalering cu tin y cu ta tene cuenta cu e diferente responsabilidadnan y trabaonan cu tin dentro di e departamento. Pesey na cuminzamento a opta pa discutie un tiki mas profundo y despues a scoge pa aplica e modelo y e ta canando desde September 2011. Minister Otmar Oduber a bisa cu e oportunidadnan pa cada trahador ta continua e caminda normal, manera a palabra, y tur esnan cu tabata den proceso pa un vervodering y aceleracion di nan carera a continua normal y no e proceso aki no a para pero ta sigui cana mescos. E minister a splica tocante e reforma di e tareanan dentro di e departamento caminda a envolve e mayoria di esnan cu tabata den e proceso y cu ta bay trece un compensacion no solamente riba e parti financiero mara na esey pero di responsabilidad y safety cu nan ta buscando y cu mester mantene. Minister a bisa cu e acento cu ta ser poni riba turismo mester refleha su mes den aviacion civil na Aruba. El a papia riba e controladornan di trafico aereo, cu cual asociacion el a combersa, cu tambe a cuminza un proceso di evaluacion. E minister a splica cu pa hopi anja no tabata tin esaki ni a expande e cantidad di controladornan pero si a keda press y primi pa mas avion bin acerca. Por mira cu ta tumando lugar un ampliacion y renovacion di e espacio pa avionnan priva, general aviation, cu practicamente ta triplifica e espacio y tambe esaki ta parti di e trabao di nos controladornan di trafico aereo. E minister a bisa cu nan ta bay pone atencion na e departamento aki, pasobra hopi ta exigi di nan pero pa anjanan no a pone acento ni atencion na e parti importante aki di nos aviacion civil, cu ta bay man den man cu nos turismo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter