Tuesday, 29 July 2014
Detecta problema di bista tempran cerca mucha Print E-mail
Tuesday, 05 March 2013 19:56

FAVI

E seccion ‘Cuido Salud Hubenil’ (‘Jeugdgezondheidszorg’JGZ) ta considera como un di su tareanan basico: prevencion di desviacion den desaroyo di mucha of detection di esaki na tempo. Esaki ta conta tambe pa e desaroyo di systema visual. Dor di “screening”, JGZ ta trata di detecta cualkier desviacion di e bista na tempo, convenci cu esaki por alcansa probecho di e salud.

Wit Gele Kruis ta e instancia na unda cu e mucha for di nacemento ta wordo controla cu regularidad ariba e desaroyo visual conhuntamente cu e dokternan di “Cuido salud Hubenil” y cu e enfermero y enfermeranan di Wit Gele Kruis. E enfermero y enfermeranan di scol cu ta forma parti di “ Cuido Salud Hubenil” ta mira e muchanan un bes mas na momento cu nan bai kleuterschool y 5de klas. Despues di esaki e circulo di screening ta yega na su final. E Fundacion Arubano di Esnan Visualmente Incapacita (FAVI) ta observa diariamente con importante e ta pa cu e muchanan cu un defecto of limitacion di bista wordo manda pa FAVI mas pronto posible. Mas pronto nan wordo manda pa FAVI, mas lihe FAVI por duna ayudo na mayornan y otronan cu ta encarga cu cuido di e muchanan aki. Acerca por ofrece ayudo practico of guia na alumnonan y educadornan den nan proceso den enseñansa For di deliberacionnan entre JGZ/ Wit Gele Kruis y FAVI conhuntamente cu e oculista dr.Jacobs y awor tambe e ortoptista sra. Marijke Helfensteijn a constata cu un curso di recapasitacion den cuadro di mehoracion di calidad ta hopi deseabel en especial ora ta trata di detecta na tempo e defecto di bista cerca mucha- y hobennan di Aruba. Na 2007 y 2008 ya caba a wordo teni un curso di recapasitacion. Awor na 2013 tur tres instancia ta masha contento un bes mas cu e realisacion di e curso cu a wordo duna dor di sra. Kathleen Lantau Kathleen Lantau ta un orthoptista y alaves e tabata e cordinadora di e programa “Detection tempran di defectonan visual” (V.O.V) na Hulanda. E a base di su expertisio a duna e curso di recapasitacion na entre otro dokternan y enfermeronan di JGZ y Wit Gele Kruis, colaboradornan di FAVI. E curso di recapasitacion a bira posibel dor di co-financiamento di CEDE-Aruba, cual na su turno ta wordo finansia dor di gobierno Hulandes y Arubiano. Naturalmente JGZ/ Wit Gele Kruis y FAVI ta masha agradecido na CEDE-Aruba pa e aporte y apoyo pa cu e proyecto aki.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter