Thursday, 24 July 2014
Frenk Kock, pensionado: Parlamentario Juan David Irausquin no ta cristian ni solidario Print E-mail
Tuesday, 05 March 2013 19:44

Frenk Kock

Frenk Kock, kende ta un pensionado miembro di OPPA, a dicidi di bini dilanti y duna un reaccion riba e diferente comentarionan a wordo haci ultimamente encuanto e reparatie-toeslag y indexering cu e ex ambtenaarnan ta haya riba nan pensioen. E reaccion tabata principalmente riba comentario di Parlamentario Juan David Irausquin, kende a comenta cu pensionado di Gobierno ta haya miho beneficio cu otro pensioenadonan di sector priva.

“Mi ta sinti cu e Parlamentario aki tin un teima cu e pensionadonan di Gobierno y a yega di atacha nan caba pa cual nos a protesta caba den pasado,” Kock a cuminsa pa splica. E ta bisa cu na prome luga, pa loke e Parlamentario ta boga pa tur pensionado di SVb haya e 85 florin di indexering manera ambtenaar y ex ambtenaar lo haya; y cu a base di solidarismo e ta boga pa kita e indexering di pensionado y ambtenaarnan y reparatie bou pensionadonan di SVb. Scuchando e declaracion di e Parlamentario aki, e ta sinti cu e no ta haci su trabou debidamente pa busca informacion y hasta a uza e palabra “bobo” bisando cu e no kier yame asina. “Como Parlamentario bo mester siña busca informacion apropia; bo mester investiga informacion cu bo haya. Y ora bo cla di investigue ...., verifik’e y djey trece publicacion. Pero awor e ta papia ad hoc.” Pa loke ta e indexering di 85 florin, Kock ta bisa cu, sindicatonan y Gobierno a negocia e pago di indexering, unda ambos a bay di acuerdo cu e pago di 85 florin di indexering pa luna. El a bira un convenio legal, pero pa pensionadonan di SVb indexering no ta conta. Pesey Gobierno a dicidi di duna nan 50 florin na extra reparatie-toeslag, y unicamente pa esnan cu ta biba di pensioen so. Pues e dos cosnan aki no ta mesun asunto, segun Kock. E ta haya cu Juan David ta compara burico cu cabay y appel cu peer. Pesey e ta bise cu indexering y reparatie-toeslag no ta mescos. Di e manera aki, e ta haya cu, e ta daña e vision di lider di AVP pa pueblo biba bon cu otro. “E ta fomenta inkietud den e pensionadonan y cu nan no ta unifica mas. Esaki ta cosnan cu pueblo mester ripara di e persona aki. Aparentemente e kier kibra e partido ...,” Frenk Kock a bisa. Y a agrega cu den pasado asina cu a mishi cu indexering, sindicatonan a subi caya. E ta conclui cu e persona aki ta contra AVP y den porta di eleccion kier pa e sindicatonan subi caya contra su mesun partido. El a bisa ademas cu door cu e persona aki ta fomenta inkietud den e pensionadonan, e lo no por ta un cristian, pasobra ley di cristian ta bisa cu bo mester stima bo prohimo manera bo mes y no haci cu otro loke bo no kier pa nan haci cu bo. “Un maldad tremendo den un politico,” e ta bisa. Y loke mas ta cuestiona ta cu e ta forma parti di un partido cu ta Cristian Democrata. “Pues cristian e no por ta. Pesey mi kier a bisa esaki pa Mike Eman, cu ta haci un bon trabou pa Aruba, habri wowo.” E ponencia pa kita e indexering di pensionado y trahadornan di Gobierno pa reparatie bou di e trahadonan cu ta cay bou SVb. Pero e ta bisa cu e propio Irausquin no ta solidario sino e lo bay Parlamento y pidi pa baha un tercera parti di nan salario y duna esaki na e pensionadonan di SVb. El a finalisa pidiendo pueblo pa no apoya e persona aki y pa e lider di AVP aserca Juan David y pidie su retiro.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter