Wednesday, 01 October 2014
Parlamentario Arondino Croes: Ministro Richard Visser cortando garganta di Laboratorio Familiar Print E-mail
Tuesday, 05 March 2013 19:19

arondino91

Landslaboratorio di Aruba no tin un certificado di Merca unda cu ta indica cu nan ta trahando na un nivel di laboratorio di calidad. Esaki a bin dilante durante un reunion di e commission fiho di bienestar cu a tuma luga recientemente y cual reunion tabata uno interesante, Parlamentario Arondino Croes a conta prensa durante un coinfrencia di prensa.

E comission a reuni cu un laboratorio perhudica esta Laborratorio Familiar, kende tin basta atencion den prnsa pa motibo di su problemanan cu AZV. Laboratorio Familiar tin mas o menos 27 anja cu nan ta trahando pa e pueblo di Aruba sin ningun problema, segun e parlamentario. Na anja 2000 e laboratorio a cuminsa traha cu AZV basa riba acuerdonan a wordo cera di landsbesluit riba tarifanan, riba acuerdo pa traha y tur cos a cana bon. Na anja 2004 Laboratorio Familiar a wordo bisa cu ta bay traha riba e calidad di laboratorionan di Aruba pa hisa e nivel unda cu tur laboratorio mester busca acreditacion. Laboratorio Famaliar a haya cuater anja pa traha riba e asuntro aki, unda cu na 2008 nan a wordo credita di ta e prome laboratorio na Aruba cu a cumpli cu ley y reglanan internacional. E sorpresa cu e laboratorio a haya, ta na momento cu nan a ricibi un carta pidiendo nan un rebaho di tarifa di 15%, y ta bisa tur inversionan cu e laboratorio a haci cu e prijsnan ta baha. E modernisacion, equipo cu nan a uza, personalnan cu a wordo poni pa entrena pa hisa e nivel di calidad a costa hopi plaka pa e pais aki por tabata tin un bon servicio di parti e laboratorio pa Aruba, Parlamentario Croes ta sigui bisa. Landslaboratorio actual di Aruba mes no a cumpli cu e reglanan te cu awe, y no ta certifica tampoco, Parlamentario Arondino Croes ta sigui comenta. MEP ta aplaudi Laboratorio Familiar cu tin pueblo na pecho unda nan si ta cumpli cu ne. No solamente nan mester a cumpli cu e certificacion di cuater dia y nochi, pero diaramente nan ta sigui cu controlnan di Merca y na Aruba. Tur luna nan mester manda rapport pa AZV pa mantene calidad di servicio cu nan ta duna. Pa sorpresa di laboratorio Familiar, nan a bin tende cu no solamente a bin un compania nobo cu no ta certifica cu apenas a bini cu no tin historia y no tin nada, ta bisa a base di un plan di negoshi nan lo baha gasto cu 15%. Pa Parlamentario Arondino Croes e situacion aki ta “hole stranjo”. Parlamentario Croes ta bisa cu Ministro Richard Visser ta haci cierto maniobranan stranjo pasobra con ta posibel cu tin un compania di 27 anja di existencia no ta ricibi e trato husto. Dos biaha carta a wordo manda pa Ministro, y e no a contesta riba esaki segun Parlamenbtario Arondino Croes. MEP ta haya cu esaki ta algo cu ta falta seriedad y kier sa kico ta pasando. No porta asina cu e compania, a mantene calidad halto di servicio pa mantene salubridad publico na un nivel aceptable y na un calidad halto, anto awor Ministro Richard Visser ta mustra claramente cu e ta cortando garganta di Laboratorio Familiar den practica. Di anochi pa mainta a lanta un compania sin acreditacion, bin cu un plan di negoshi sin historia pa bin cu cifranan pa mustra sin cu e no tin nada di practica. Segun Parlamentario Arondino Croes Laboratorio Familiar ta dispuesto pa mustra tur e gastonan cu e negoshi ta genera. Desde momento cu nan ta den function, Laboratorio Familiar no a hisa nan prijs, nan a mantene nan mes na landsbesluit, nan a mantene nan cualificacionan, a mantene servicionan. Aparte di tur e puntonan aki e personalnan di Laboratorio Familiar y mashinnan a worde upgrade. Ministro Visser kier elimina un compania unda tin trinta Arunbiano ta traha, segun Parlamentario Arondino Croes. E ta sigui bisa cu Ministro mester sinta papia cu nan.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter