Wednesday, 22 October 2014
Otmar Oduber: Turismo a genera un total di 2906 empleo adicional durante ultimo añanan Print E-mail
Tuesday, 05 March 2013 19:11

Otmar Oduber006

Den cuadro di e ‘Encusta Laboral” cu a tuma lugar na november 2012 dor di Departamento di Labor, Minister di Labor Otmar Oduber ta remarca cu e ta contento cu e cifranan positivo pa cu cupo ci trabounan nobo cu e desaroyo di turismo a sa di genera durante e ultimo añanan. E mandatario a splica durante un conferencia di prensa cu empleo a subi cu un total di 7,7% cu ta un total di 3703 trabou disponibel.

E crecemento aki ta e efecto di e crecemento den e sector turistico. DAO den su analisis a mustra e tres sectornan turistico cu ta contribui na e desaroyo den nos forsa laboral, esakinan ta: e sector di Horeca y Restaurant cu a crece cu un 14,0%, Groot-klein handel en Onderhoud cu a crece cu 9,9% y Ontroerendgoed, verhuur en zakelijke activiteiten cu a crece cu 12.5%. Pues esaki ta e 3 sectornan cu ta crea un aumento di 2906 na empleo nobo. Si mira e desaroyo cu e sector turistico a trece cu ne no solamente den negoshinan existente pero tambe den e crecemento cu tin den construccion por medio di proyectonan nobo ta papia aki di un aumento absoluto di 3148 cupo di trabou. Aunke 2012 a cuminsa cu duda den e posicion debi na e ciere di Valero, Minister Oduber ta contento di wak con fructifero e departamentonan encarga cu labor ta trahando cu a logra ya caba aloca gran mayoria di e trahadornan di Valero, unda cu awe por conta cu aumento den empleo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter