Nacionnan Uni a proclama aña 2013 como Aña Internacional di Estadistica y esaki como un celebracion mundial y di reconocimento na ciencia estadistico. Relaciona cu esaki e organisacion Caribense CARICOM a dicidi di conhuntamente cu tur e islanan di Caribe duna inicio na e Aña Internacional di Estadistica riba e dia di awe 6 di maart 2013.

Ta den cuadro aki tambe Oficina Central di Estadistica (CBS) di Aruba ta uni su mes awe na e otro islanan Caribense pa celebra y reflexiona riba e dia aki. E tema pa e Aña Internacional di Estadistica 2013 ta “Estadistica den bida diario-Laga nos educa y aprecia”. P’esey cu den transcurso di e aña aki CBS continuamente lo duna informacion pa ilustra e importancia di estadistica pa e bida diario y henter comunidad Arubano. Na Aruba, CBS ta e instancia gubernamental cu ta encarga cu coleccion y suministro di informacion y datonan estadistico riba terenonan hopi importante pa henter comunidad. CBS ta resorta bao di Minister di Asuntonan Economico y dia 1 di januari 2013 - banda cu pais Aruba a conmemora e di 28 aña di introduccion di su Status Aparte - CBS como un departamento gubernamental a cumpli tambe su 28 aña di existencia.

Derecho di existencia Desde e momento cu CBS a bira independiente di e oficina principal na Curaçao na 1986 continuamente CBS a profesionalisa su mes. E cantidad di empleadonan a triplifica for di 13persona na cuminsamento di añanan 90 te na 39 persona na 2013. Fuera di esey CBS a introduci
y ehecuta varios proyecto grandi riba tereno di estadistica. Pa por yega na ehecuta e proyectonan
aki a haci uzo intensivamente di medionan tecnologico moderno, bao di cual tecnicanan di scan pa
procesa formularionan di encuesta den forma rapido, exacto y relativamente economico. Alabes
CBS ta haci uzo di tablets durante su encuestanan.
E derecho di existencia di oficinanan estadistico ta atribui na dunamento di informacion na e
publico general, gobierno y sector priva relaciona cu desaroyonan economico, demografico y social.
E informacionnan aki ta importante pa realisa desaroyonan optimal den comunidad.
E calidad di estadisticanan oficial pa gran parti ta depende di e cooperacion cu e oficina ta haya
di e habitantenan di Aruba, sector priva y personanan cu ta wordo encuesta. Ta p’esey ta hopi
importante pa mantene un relacion basa riba confiansa mutuo entre esnan cu ta wordo encuesta y
CBS. Pa realisa esaki CBS ta aplica un cantidad di principio y balornan. Esakinan ta encera entre
otro independencia, relevancia y credibilidad. Hecho ta cu CBS ta un departamento gubernamental
serio cu ta wordo admira y respeta tanto local como internacionalmente. Hopi ta e instancianan
tanto den sector publico como priva, studiantenan y instancianan den exterior ta haci uzo di e
datonan estadistico cu CBS ta suministra. Alabez tin varios instancia of persona cu ta haci peticion
na CBS pa yuda nan den formulacion y ehecucion di cierto investigacionnan.

Riba e dia di awe CBS ta haci uzo di e oportunidad pa gradici tur instancia y persona cu a coopera
cu CBS durante e ultimo añanan y ta spera cu e bon cooperacion aki lo continua den e añanan
venidero.
Actualmente CBS ya ta cumpli cu su meta pa provee informacion na publico en general door cu tur
publicacion y otro informacionnan di CBS ta aparece riba e website: www.cbs.aw y dentro di poco
tambe riba Facebook.

Comentarionan (0)

Mustra/Kita comentarionan

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi