| IPA a celebra e logro di 7 docente cu a termina e estudio Master Evidence Based Innovation in Teaching |
 |
 |
| Tuesday, 05 March 2013 15:23 | |||||||||
|
Diabierna ultimo, dia 1 di maart 2013, Instituto Pedagogico Arubano (IPA) a celebra e graduacion di shete docente di IPA cu a termina e estudio Master Evidence Based Innovation in Teaching cu ta forma parti di e curriculo di Teachers Academy di Maastricht University. E ceremonia a tuma luga na IPA y a inicia cu palabra di bonbini door di directora general sra. drs. Ava Thode. Su persona conhuntamente cu sra. drs. Ingrid Kuiperdal a elabora riba e importancia pa traha basa riba evidencia pa IPA y Enseñansa di Aruba. Prof. Dr. Henriëtte Maasen van den Brink y Prof. Dr. Wim Groot a elabora riba trahamento a base di evidencia den enseñansa en general. Despues di esaki cada docente a presenta nan investigacion: Berthson Boekhoudt (Papiamento in het rekenonderwijs), Rudolph Simon (Effectiviteit van determinanten op de BMI en fitheid van kinderen), Jessica van de Linden – Maduro (Mag ik weten wat dat betekent?), Rosemarie Hoen (De effectiviteit van “Character Education” in het Arubaanse onderwijs), Gregory Goedgedrag (De effectiviteit van leesstrategieën), Cheryda Gemin (Leesstrategieën- de oplossing voor problemem bij schrijfvaardigheid?) y drs. Marilyn Richardson (Selectie aan de poort: kansen ontnemen of uitstel van executie?). Siguientemente e graduadonan a ricibi nan diploma di Master Evidence Based Innovation in Teaching. E anochi aki tabata uno hopi ameno caminda e comunidad di IPA conhuntamente cu famia y invitadonan di e graduadonan a celebra nan logro. IPA ta felicita tur graduado y ta deseanan tur clase di exito pa sigui eherce e bunita profesion di docente cu hopi amor y dedicacion y ta stimula nan pa sigui aporta na bienestar di enseñansa pa medio di datonan di investigacion.
|
Mustra/Kita e formulario di comentario
