Friday, 24 October 2014
Jesseline Berg Y Lishandra Farro a yega ARUBA, despues di a arasa cu e premionan na El Salvador Print E-mail
Monday, 04 March 2013 21:43

1

Diadomingo anochi VIP di Aeropuerto tabata repleto di famia, amigo y amiganan y comishon di GLW Foundation cu a bai pa ricibi nan flamante Miss Belleza Americana 2013 , Srta. Jesseline Berg kende diasabra pa manece diadomingo marduga a logra e titulo pa nos isla di Miss Beyeza Americana , alaves Jesseline a bay cu e premio di Best National Costume y cu e premio di Miss Popular.

Jesseline aña pasa a keda corona como prome finalista di Miss Teen Aruba International y di eynan tambe a inicia su preparacion pa e certamen . Jesseline a train hopi duro riba su aspecto fisico, mester menciona cu Jesseline awor ta mas delega cu tempo e la competi pa Miss Teen Aruba International , Danki na e apoyo y sosten di un equipo professional cu a asisti Jesseline tur momento , dialuna 25 di February e la subi vuelo yena di siguransa y determinacion pa representa nos isla cu yen di honor ! Y esey por a ser nota diasabra pa manece diadomingo ora cu e la keda corona como Miss Belleza Americana 2013 , tambe Best National Costume y Miss Popular , esaki danki na e votonan di esnan cu a vota pe riba e facebook page di Festival de la Belleza . Den categoria Pre Teen tambe ARUBA tabata representa pa e hobencita Lyshandra Farro cu tambe a duna tur di su banda pa asina representa dignamente nos isla y a arasa cu e premionan manera Trahe Nacional , Popular , Pre Teen Model , PreTeen Elegancia y e corona di Pre Teen Aruba 2013 . GLW Foundation ta masha contento cu e logronan di Jesseline y esey ta un muestra tambe cu e hobennan por tene nan mes activo cu cosnan positivo y keda leu di cosnan malo , ademas GLW kier corda tur esnan cu ainda tin interes di participa pa Miss Teen Aruba International cu ultimo dia pa inscribi ta dialuna 11 di Maart 2013 , si bo tin entre 15 pa 19 aña y kier siña hopi cos bunita cu lo judabo den bo bida , at abo oportunidad , bo kier representa nos isla den exterior … No duda y participa den Miss Teen Aruba International !

gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter