Wednesday, 30 July 2014
A pone baricada pa streetcar pasa den Playa Print E-mail
Thursday, 14 February 2013 09:02
DSC_2063
Diaranzon anochi personal di DOW a pone un cantidad di baricada riba acera y caminda aki aya den centro di Oranjestad pa evita automobilistanan para nan auto unda cu ta banda di acera of mitad riba caminda.

Diamars Arubus a realisa algun test cu e streetcar bin haya su mes den preta ora conducteur no por a pasa cu e medio di transporte di mas nobo riba nos isla. Aki aya mester a baha hopi e velocidad pa wak no dal den autonan mal para, algun caminda hasta no por a sigui core debi autonan para riba e spoornan mes.

E problema di paramento di auto ta e.o. cu no tin lugar pa para asina hopi auto den centro di ciudad y costumber pa para auto cerca di unda lo baha ta pone automobilistanan bin cu ideanan hopi creativo pa haya lugar di parkeer. Den Schelpstraat esaki ta mayoria di biaha e caso unda ta para auto mitad riba acera y caminda net unda e tram tin cu pasa. Asina mes algun habitante tin costumber di para nan auto anochi dilanti cas dor di miedo choller kibra den nan awor lo tin di kita esaki pa su mainta ora e tram pasa.

Lo realisa algun test diahuebs durante dia y si tur cos bay bon diabierna e street car lo core cu algun pasahero e recorido den Caya Grandi cu ainda tin trabou pendiente pa finalisa. E tram lo core di dialuna pa diasabra for di 10 or di mainta pa 1 or di merdia.

dowers dowers dowers
dowers dowers dowers
dowers dowers dowers
dowers dowers dowers

Comentarionan (1)Add Comment
rg
February 14, 2013
201.229.26.44
Votes: +24
...

E projecto ki a echt bira un desaster, mescos cu lineair park. Hopi slordig hasi y e no ta ni cla! AVP mester cuminsa sinsa pa caba cu su projectonan on time anto check si e wordo hasi bon tambe!

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter