Wednesday, 27 August 2014
"Exercise is Medicine" ta wordo introduci dialuna awo na tur doctor di cas Print E-mail
Thursday, 14 February 2013 00:02

1

Maneho di dr. Richard Visser como Minister di Salubridad y Deporte ta enfoca hopi riba prevencion di malesanan cronico y yuda pashentnan cu ya tin un malesa cronico pa hiba un bida cu ta lo mas saludabel posibel y asina no haya complicacion mas grandi. Un elemento esencial den e procesonan aki ta e introduccion di e "tratamento preventivo" proba mundialmente conoci como "Exercise is Medicine".

Esaki ta inclui prescripcion no di medicina, pero di un plan cu ta combina movecion y nutricion pa resulta den un estilo di bida mas saludabel. Den algun caso cu ya e persona ta padece di un of otro malesa cronico e doctor, specialista y paramedico ta yega na un combinacion di tratamento, combinando e medicina cu ta wordo receta, manera pilder, cu un programa individual pa cada pashent cu ta encera Exercise is Medicine". Ta proba cu e tratamento kimico esta cu remedi so no ta mes efectivo manera ora cu combine cu un programa di actividad fisico y nutricion balansa. Doctor di Cas, dr. Joaquin van Trigt ta entusiasma cu e introduccion di e concepto nobo aki na Aruba hunto cu otro coleganan den medicina manera entre otro johnny cheng cardiologo, patrick haime ortopedista y Koos Veel ya caba nan ta aplica e concepto aki den bida diario. Ehercicio ta medicina ta un protocol cu ta bin via di Minister visser cu e dokternan innovativo aki ta kere den. Como un persona cu un background den sport, combina cu su profesion unda cu e ta wak hopi pashent cu diferente complicacion, Van Trigt ta para tras di e protocol aki. El a expresa cu diariamente e ta atende pashent cu tin problema cu nan peso y ta kere cu "Exercise is Medicine" lo duna su frutanan den futuro pa e persona individual, y sigur pa nos comunidad den su totalidad. Dr. Van Trigt ta considera "Exercise is Medicine" un practica sigur pa e Docter di Cas di futuro. Un acercamento cu ta preveni complicacion di e patient cu ta biba cu diabetis, presion halto of ta obeso. Dr. Van Trigt ta kere firmemente cu tur pashent ta un individuo, ta diferente y mester traha un plan semper cu ta dirigi riba e pashent su situacion y condicion personal. E ta prepara y cla pa traha pa traha na un forma pro activo y efectivo, cu su pashentnan existente, pero tambe unda cu su pashentnan nobo cu no tin complicacion ni historia medico lo wordo guia pa evita malesanan cronico cu ayudo di plan "op maat" di ehercicio y nutricion. Ta tempo pa habri wowo y wak mas "breed", dr. Van Trigt a subraya

gallery1 gallery1  

Comentarionan (1)Add Comment
Just proud be U,not them
February 15, 2013
201.229.118.106
Votes: +0
...

E tema aki no ta klop cu realidad paso medicina ta droga bo kier bisa mi cu excercise = droga?Yoga ta e mihor cos cu tur hende por haci y sin bijwerking y no ta un beweging pero un houding >asana.Y e ta pone bo comprende bo mes y bo religion mas miho.NO ta paso tin dokter den e cos aki e ta bon paso tin hopi hende aki na Aruba ta suffriendo sin un oplossing pa nan salud cu nan mester bai afo.Mihor nan traha un bon tuchtcommesie cu un grupo cu ta pensa di gana placa riba salud di nos hende nan.E patient aki na Aruba no tin of no sa su derecho y no tin luga pa cana tur ta cera den e mes un hospital dus complot...

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter