Sunday, 23 November 2014
Minister Michelle Hooyboer-Winklaar ta anuncia: Conferencia di Hende Muhe 2013 dia 8 di maart Print E-mail
Wednesday, 13 February 2013 18:20
Comparti

Front IMG 8872

Como cu na diferente pais a inicia cu un celebracion di respet y derechonan di e ser femenino riba dia 8 di maart y e fenomeno aki a crece, Nacionnan Uni a mira e necesidad grandi cu tin pa pone enfoke riba triunfonan y logronan di e hende muhe y a scoge e dia aki pa decreta como Dia Internacional pa Hende Muhe poco aña pasa.

Esaki ta pa entre otro incentiva mundo henter pa duna atencion special na hende muhe, poniendo enfoke mundial riba e balor, talentonan y papel importante di e hende muhe den tur comunidad rond mundo.

 

Minister di Asuntonan Economico, Asuntonan Social y Cultura, Michelle Hooyboer-Winklaar a anuncia cu e celebracion di Dia Internacional di Hende Muhe ta conmemora na Aruba atrobe. Pa esaki a organisa un conferencia cu un ‘line up’ di hende muhe fascinante como orador, kende lo comparti e historia di nan desaroyo, nan bida y nan logronan, como tambe conseho y motivacion cu e participantenan durante e “Women's Day Conference 2013”.

 

Mescos cu aña pasa, e conferencia ta gratis y ta urgi si pa tur hende interesa registra via di e website www.womensday.aw<http://www.womensday.aw desde dialuna awo, dia 18 di februari. Minister Michelle Hooyboer-Winklaar tambe a gradici e tres sponsornan cu ya a confirma nan sosten na e conferencia, cual ta Caribbean Mercantile Bank, KPMG Aruba y Manrique Capriles.

 

Minister Hooyboer-Winklaar a bisa cu aña pasa tabata un placer pa ta anfitrion di mas di 600 hende muhe, y algun hende homber, kende a gosa di un dia completo di motivacion, harimento y hasta un lagrima of dos di emocion. E aña aki ta sperando e mesun acogida y solamente si registra lo ta posibel pa acomoda tur esnan interesa pa atende e evento aki.

 

E mandatario a cuminsa pa anuncia e prome oradornan cu ya a confirma, incluyendo Su Altesa Real Prinses Laurentien, Dr. Sue Morter, actriz Maria Bello y artista Elizabeth Core.

 

S.A.R. Prinses Laurentien lo duna informacion tocante su trabao cu hende muhe y muchanan y con lesamento ta yuda construi un mundo hopi mas fuerte y sostenibel. Dr. Sue Morter lo comparti conseho y tipnan tocante e balor grandi di un forma di biba promocionando "optimal health", o sea salud optimal, pa e ser humano. Dr. Morter ta kere den un combinacion di factor cu ta balansa e ser humano y lo siña esunnan presente con pa logra ‘optimal health’, balansando entre otro e parti fisico, mental y spiritual.

 

Maria Bello ta conoci como un actriz fuerte den diferente pelicula, e ta ganado di dos Golden Globe y e co-iniciado di e organisacion "We Advance", cual a wordo funda despues di e temblor na Haiti pa siña hende muhenan di e pais aki colabora pa haci cuido di salud un prioridad y caba cu violencia basa ariba genero. Bello lo comparti su vision y ilustra tur loke hende muhe por logra na cualkier pais y na Aruba.

 

Un treat special pa tur presente ta e première di e pelicula "Femme: Women Healing the World", cual a wordo filma rond mundo pa e productor Emmanuel Itier y Productor Ehecutivo Sharon Stone y nan team. Pa e pelicula aki hendenan muhe hopi conoci di rond mundo kende a logra hopi den nan bida a wordo entrevista y ta un honor pa Aruba a wordo scogi pa Itier mustra e pelicula aki pa prome biaha.

 

E mandatario a splica cu den e dianan nos dilanti lo anuncia e diferente otro oradornan y participantenan na e conferencia aki, cual informacion tambe lo ta obtenibel riba www.womensday.aw<http://www.womensday.aw.

album album album

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter