Friday, 31 October 2014
Minister Otmar Oduber sumamente satisfecho cu resultadonan positivo di Santa Rosa Print E-mail
Wednesday, 13 February 2013 17:50

Otmar Oduber009

Minister Otmar Oduber ta sumamente satisfecho cu e resultadonan postivo di Santa Rosa durante 2012 caminda por a mira cu su entradanan financiero a subi cu 35%. E mandatario ta indica cu e resultadonan extraordinario aki ta danki na e maneho nobo cu a wordo implementa pa cu e departamento aki.

El a recorda con den pasado Santa Rosa no tabata haya atencion y mucho menos fondonan y danki na esaki no a logra desaroya ni mehora. Por hasta bisa cu hopi na Aruba no tabata sa mes cu Santa Rosa ta existi.

Cu orguyo Sr. Oduber ta bisa cu e mes a pidi pa haya e cartera di Santa Rosa, e tabata wak con e departamento aki tabata bay cada bes mas atras y cu e amor cu e tin pa sector primario, el a pone como meta pa rebiba e departamento aki, algo cu awendia e por mira como un di su logronan mas grandi.

E mandatario a lora manga y cuminsa traha na Santa Rosa, cu cooperacion di trahadornan cu a sinti cu finalmente tin un minister cu ta dunanan e atencion debido y tambe cu un management team y awor cu directora nobo, a traha riba un plan di concientizacion, a mehora e aspecto operacional y a motiva e trahadornan pa duna e mihor di nan na beneficio di no solamente nan mes, nan trabou, pero di Aruba en general.

Danki na e pasion y dedicacion di tur trahador, gerencia y minister awe por mira cu henter Aruba conoce kico ta Santa Rosa y e beneficionan cu e departamento aki tin pa ofrece. Su actividadnan cu ta creciendo, dia pa dia ta birando mas y mas grandi y tambe e cantidad di persona cu ta opta pa planta, cria bestia y pisca ta creciendo impresionantemente.

Papiando di e diferente proyectonan di Santa Rosa, Minister Otmar Oduber a duna di conoce cu esakinan tabata un exito completo, manera entre otro e mercadonan di productonan local, renovacion di posnan di awa dushi, Tienda Santa Rosa cu productonan moderno y na un prijs reduci, expansion di e flota di Santa Rosa  cu 2 watertruck y 1 dumptruck nobo, adkisicion di ekiponan moderno pa mehoracion di servicio, establecimento di un seccion di Apicultura den Santa Rosa y adkisicion di un cantidad di bestianan nobo for di Merca.

Tur e proyectonan exitoso aki a conduci cu e demanda pa e producto y servicionan di Santa Rosa a crece, caminda cu na 2012 por a mira un crecemento di 35% den entradanan financiero pa e departamento cu logrando un total di 515 mil Florin.

Minister Oduber a indica cu esaki ta e promer biaha cu santa Rosa ta logra entradanan asina halto y ta spera cu pa 2013 esaki lo por crece mas ainda, y te awor resultadonan di januari ta mustra hopi positivo cu un aumento di 73% compara cu aña anterior.

Finalizando e mandatario a gradici henter e team di Santa Rosa y henter comunidad di Aruba pa e sosten duna no solamente na e departamento, pero na nos sector primario y a indica cu e ta spera di por sigui conta cu e mesun sosten of mas ainda den e añanan nos dilanti.

 

 

 

 

 

 

Comentarionan (1)Add Comment
johan tromp
February 13, 2013
201.229.126.94
Votes: +1
...

E resultado aki Minister a logra door di confia den hendenan cu ta stima loque cu nan ta hasi. Nan tur a traha desinteresadamente den un equipo cu un Ministro cu a mustranan tambe amor pa loque cu nan ta hasi, i tambe un ministro cu a aprecia un dama Arubiano, como jefe di e departamento. Caminda cu e dama aki no tin ningun titulo di DR. of DRS. Pabien Minister i mare cu e otro Ministernan por sigui bo ejempel pa respeta hende pa nan cualidades i experiencia.Vooral, e ministro di justicia, cu ta cana yama tur hende pa bobo. Ta e so ta sabi. Pabien un biaha mas Minister Oduber. Otmar ta sigui traha pabo.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter