Thursday, 18 September 2014
Ata e regalo perfecto pa valentine’s day Print E-mail
Wednesday, 13 February 2013 16:20
DSC_2063
February ta e luna di amor y sigur dia 14 di February awor ta e dia internacional di amor y Amistad. Hopi biaha un persona ta sinta pensa kiko por ta e regalo perfecto of kiko pa haci pa por impreshona bo ser stima.

Dinner for 2 na un restaurant luhoso, e buquet di rosa, e caha di chocolate, tur esaki nan ta regalo nan predecible. Si di berdad bo kier impreshona bo pareha riba Valentine’s day, anto cu no lo Sali mes costoso cu un restaurant luhoso y toch lo tin un effecto duradero, anto bo tin cu hibe Compleho Deportivo Guillermo Trinidad pa wak e gran partido entre e “Orguyonan” di Noord SV Bubali y e Tricolor nan di Solito, RCA cu lo baha full na cora pa e wega aki. Un curazon lo wordu kibra e nochi aki.

Hulk a laga sa caba cu e ta bin cu un regalo special pa RCA. Sigur un wega cu basta candela. Si bo kier un wega un tiki mas suave, anto bo mester hiba bo pareha pa Compleho Deportivo Frans Figaroa pa e promer wega di Division Uno ora cu e mucha nan di Angochi, SV Arsenal topa cu e Submarino Blau di Pos chiquito SV Unistars. Un wega basta interesante mirando ta number 3 y 4 ta topa otro. Ambos wega ta programa pa cuminsa 8 or.

Claro e ocashon aki mester keda un sorpresa, nos di AVB info ta consehabo pa “blind fold” bo pareha y bo ta kita e lenso for di su wowo ora boso ta sinta den tribune caba, ya e ora e no por trek terug ni rabia. Trahe ta casual y no mester mucho make up. Entrada ta solamente 6 florin pa persona y bo tin chens di gana un auto na final di campeonato. Nos di AVB info ta consehabo si pabo tin e rosa on the side, y just in case si algo por bai malo, wak bo tin un plan B. Un invitashon ta bai na fanaticada di ambos team pa yega stadio Guillermo Tirnidad pa duna apoyo y yuda engrandece nos deporte rey di Futbol.

Por ultimo AVB kier a desea Arubahenter un feliz dia di Amor y Amistad. Sigui Futbol di Aruba via www.AVBaruba.aw. Futbol Division di Honor..demostra awor!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter